YEHEZKIEL 7:26 - Tanou Moonsoi Timugon

²⁶ Karaat am tanou malaat matong kalo lulumonggo'. Paat raginio makitaak kau ra nabi-nabi koson mambala' ra pinaintalang, kaa' papalo min ayuk. Imam-imam kolondo' atan-atan pailaan ra ulun, am ulun matutuo nakayaan ra bilin.

YEHEZKIEL 7:26 ပူးပေါင်းရင်းမြစ်များ

MAZMUR 74:9

Nabi-nabi am baal-baal makaimuag kalo boo makito, am kolondo' sangulun pana makapandai sanggilan pupus ru babaal ragitio.

JISAYA 47:11

Kaa' malumpa' kou ru karaat, ilimu' ru sihir muno kalo mokopongompong. Patayan sangkuliop ayuk matong, patayan ondo' kalo maguang muno.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 21:2

“Pakitulu' no intor ra Tuhan koson ritakau, sabap ra Raja' Nibukadnijar intor ra Babilonia nabaya' ra pulalai nano, tatanga' magawang ra bandar takau. Maaru' lair Tuhan mambaal ra kaimuagan koson ritakau, am mampajajal ra Raja' Nibukadnijar lumugut.”

JIRIMIA 37:17

Kopongo raginio nampiau Raja' Jidikia raki' muma' riso giu' ra istana. Giu' no sininok ru raja' nangkuot raki', “Mokoondo' kia ra tanou intor ra Tuhan?” Taam aku, “Mokoondo', okou raja' pataakon ra raja' ru Babilonia.”

JIRIMIA 4:20

Karaat mansusunu' matong, titikop pagun mapuso. Pulali' ru kim mai linunsai, konoon-konoon no rinilak.

SULABOI 2:9

Kulobon-kulobon garabang nalunsai napumpunan ru ondo' nalunsai, am tataun ru umpok nano nangapandak. Raja' am tingganai-tingganai raino giu' ra pagun pamatiran. Ukum ru Tuhan kalo boo pailaan, am nabi-nabi kalo boo mangapu ra pinaintalang intor ra Tuhan.

YEHEZKIEL 11:2

Indagu i Aki Kapuuno' raki', “Okou ulun mapandai matoi, gitio noyo ulun ondo' nangatang ra kalaatan am nangani' ra bilin ondo' mampalayau, giti ra bandar ti.

YEHEZKIEL 12:22

“Okou ulun mapandai matoi, kua kia ra ulun ru Israil manabit ayuk ra panginuuyan ragitio: ‘Orou nakasail, kaa' ragu manala' kalo masauk’?

YEHEZKIEL 14:1

Kukula' ngaulun tingganai ru ulun ru Israil minatong nangkuot raki' intor ra kasagaan ru Tuhan.

YEHEZKIEL 21:7

Paat ra ilo mangkuot kua pampalaa kou, raguo' ra mangiluk guang muno sabap ra tanou ra matong no. Tanou no mambaal ra guang nilo malaa', kalindu' nilo malawo, mansiab ambiluo nilo am atur nilo monontol. Paat nano masaboi, am ngaangai' no masauk!” Tuhan Raja' nakaindagu noyo.

YEHEZKIEL 22:26

Minanggal imam-imam ra ukum Kuno am kalo mangurumat ra atan ondo' mapasau ra tayar Kuno. Kalo pansalaan nilo atan ondo' mapasau am atan ondo' kalo mapasau. Kalo nangila' ilo ra nansala' ondo' iowon am ondo' inggalarin. Kalo lioon nilo orou Sabat. Kinibit ru ginio ulun ru Israil kalo mangurumat Raki'.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

YEHEZKIEL 8:1

Paat ra orou kalimo, sila' koonom ralalom ru bilor koonom paat ra akai ralalom ru pamatiran, tingganai-tingganai ru ulun pinatiran intor ra Jiuda soroi giu' ra baloi kuno. Pulali' ru kuasa' ru Tuhan Raja' nanguasa' raki'.

IMAMAT 26:18

Amon ru malupus makaili' ra ngaangai' ukuman no lakat kau poyo kalo gumagaya' Raki', ruangin Ku ukuman no intulu' poyo ruli' no.

IMAMAT 26:21

Amon ru lakat kau niayuk manggal Raki' am kalo gumagaya' Raki', ruangin Ku ukuman no intulu' ruli' poyo.

IMAMAT 26:24

manggal Aku ramuyun am mangukum ramuyun intulu' ra makalalaa' poyo intor ra nakasail.

IMAMAT 26:28

am mabaya' ra sangit manggal Aku ramuyun am mangukum ramuyun intulu' makalalaa' poyo intor ra nakasail.

MIKA 3:6

“Nabi kau ngai', pupus ru kaayagan min mamaar noyo. Orou masauk molondom ramuyun. Ginio sabap ra akau nampalayau ra ulun Kuno, kalo makaapu kau ra pinaintalang kapoam pakitanan. Kalo boo makapanala' kau ra atan-atan ayuk.”

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

MALIAKI 2:9

Ginio ra Aku pana mangkinibit ramuyun kalo urumaton ru ulun ru Israil sabap ra kalo ginagaya' min kasagaan Kuno, am sabap ra pinasusuai min ulun paat ra akau nangila'.”

SAGULION 32:23

“ ‘Mapatiu' Aku risilo ra karaat ondo' kalo makakai', am patiwon ngaangai' anak panah Kuno risilo.

1 SAMUIL 3:1

Liliwa' raginio, i Samuil ondo' lalaing ayuk poyo, tatanga' mangandoi ayuk ra Tuhan no inalungan ri Ili. Paat raginio sanganuan ayuk toojo mokoondo' ra ragu am intalangan intor ra Tuhan.