YEHEZKIEL 7:20 - Tanou Moonsoi Timugon

²⁰ Paat ragili mamanggo ilo ra intan ondo' moonsoi, kaa' pinakai nilo ginio koson mambaal ra sinungkalalaing ondo' makauyuyu'. Ginio ra Tuhan nambaal ra rapu' nilono makajala' risilo.

YEHEZKIEL 7:20 ပူးပေါင်းရင်းမြစ်များ

2 RAJA'-RAJA' 21:4

Nambaal io ra altar tayar ru dewa-dewa giu' ra ralalom Baloi ru Tuhan, intok ondo' inaru' ru Tuhan koson ra intok sumambayang Riso.

2 RAJA'-RAJA' 21:7

Pinabanta' ru Raja' Manasi sinungkalalaing ru Dewi Asyira giu' ra Baloi ru Tuhan, ondo' intok raginio inindaguan ru Tuhan ri Daut am i Salomo anak ungkuyon nano, “Baloi Kutu am bandar Jirusalim ti ondo' pinili' Ku noyo intor ra wilayah mopor am ruo bansa' ru Israil, iono intok ondo' inaru' Ku koson ra intok sumambayang Raki'.

2 TUNUNG RU BANSA' ISRAIL 2:9

momongo ra tataun balak ondo' masuang, sabap ra Baloi ru Tuhan ondo' masaga' kuno baalon maayo am maindon.

2 TUNUNG RU BANSA' ISRAIL 36:14

Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.

IJRA 3:12

Masuang intor ra imam, ulun ru Liwi am tingganai ru bansa' ondo' mangatutuo noyo igondo' nakakito ra Baloi ru Tuhan ragili. Paat ilo nakakito ra batu maatang ru Baloi ru Tuhan ondo' gitio pinabanta', nantangi' ilo ra mosongou. Kaa' ulun ra bokon ondo' siminaang ra giu' no nangilakup sabap ra naansukan.

MAZMUR 48:2

Matulai toojo Tuhan am omporon giu' ra bandar ri Aki Kapuuno' takau, ra tampak ru bulur Nano ondo' matulai.

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 64:11

am Baloi ru Tuhan, baloi ra matulai am makaantak, intok ru kinamatuaan maili mongompor ra Tuhan ra galing i, inumpo ru apui. Ngaangai' intok ra kasagaan mai nasauk boo ra naluyuan.

JIRIMIA 7:14

Ginio ra atan ondo' baalon Kuno ra Silo baalon Ku ra Baloi Kutu, intok ondo' lansanin min. Intok ondo' tinaakan Ku ra kinamatuaan min ni am akau ti baalon Ku koson ra Silo.

JIRIMIA 7:30

Mamagun ru Jiuda nambaal noyo ra kalaatan. Pinabanta' nilo sinungkalalaing nilo ondo' kasisangin Kuno giu' ra ralalom Baloi ru Tuhan, saboi najamalan.

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

SULABOI 2:1

Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

SULABOI 2:7

Inimpayan ru Tuhan altar Nano am nangiruan ra Baloi Nano ondo' matulai; pinoloso No pantula' nampalunsai ra timbok nano. Nangindii pantula' sabap ra namanang giu' ra intok sambayang takau ra maantak ragili.

YEHEZKIEL 11:18

Paat ra ilo muli', musiti' ilo mamatir ra ngaangai' sinungkalalaing ondo' malaat am makauyuyu' no.

YEHEZKIEL 16:16

Binungaan mu intok sambayangan muno ra bayang muno, am koson ra ruandu' mantalan ra inan pinataak mu inan muno ra moonong ulun.

YEHEZKIEL 16:19

Inanian Tokou ra akanon moonsoi kaga', iono gandum, umau jaitun am ruu' ru maningot, kaa' ngaangai' no sinauk mu koson ra taak simbalui koson mapabansuk ra guang ru sinungkalalaing. Aku, Tuhan Raja' nakaindagu noyo.

YEHEZKIEL 23:38

Sala' ka ginio ayuk. Jinamalan nilo Baloi Kuno am orou Sabat ondo' inaru' Ku noyo.

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

YEHEZKIEL 7:22

Kalo mongoi aku labit paat ra Baloi Kuno ondo' tagamin Kuno jamalin ru ulun, paat ulun mantatakou sumubol am mampajamol raginio.

YEHEZKIEL 9:7

Indagu i Aki Kapuuno' risilo, “Jamali' noyo Baloi ru Tuhan. Sosoko' liliut-liliut nano ra baangkai. Talimpuun kano mangandoi!” Ilo pana tumalimpuun mamatoi ra ulun giu' ra bandar no.

AGAI 2:3

“Mokoondo' kia osoi intor ramuyun ondo' lakat poyo makakara' ra mapara' indon ru Baloi Kuno ragili? Raino ati kulaan baal nano, sumugut ra pamaguangan min? Maaru' lair ilain totopot kalo maindon.

TINGGANAI RU BANSA' 8:24

Kaa' indagu poyo i Gidion, “Rondo' ayuk kitaakon kuno. Musiti' min pataakin raki' anting-anting ondo' ginaau min intor ra pantula'.” (Ulun ru Midian koson ra bansa'-bansa' ra bokon ondo' minayan ra tana' kaagisan, ngaangai' makaanting-anting mas.)

TINGGANAI RU BANSA' 8:27

Intor ra mas no, nambaal i Gidion ra rondo' sinungkalalaing, am paayano' no giu' ra Opra, intok namagunan nano. Ngaangai' ulun ru Israil minongoi ra giu' no koson sumamba ra sinungkalalaing no, saboi kalo boo sumamba ilo ri Aki Kapuuno'. Baal raginio nasauk ra landak tayar ri Gidion am sasambaloi nano.