YEHEZKIEL 7:19 - Tanou Moonsoi Timugon

¹⁹ Mamatir ilo ra mas am pirok koson ra ginsamol giu' ra ralan, sabap ra pirok am niayuk mas kalo makapamayag risilo paat ra Tuhan mapasingkual ra sangit Nano. Kalo mamakai ilo ra mas am pirok no koson mampajala' ra inan kapoam mamasug ra tinai'. Kaa' mas am pirok noyo ondo' nangkinibit risilo makatula.

YEHEZKIEL 7:19 ပူးပေါင်းရင်းမြစ်များ

2 RAJA'-RAJA' 7:15

Minugar ilo saboi ra Sungoi Jordan, am giu' ra galur ru ralan nakakito ilo ra bayang am kuliamos-kuliamos ondo' tinatang ru ulun ru Siria paat ra ilo nagigiru'. Kopongo raginio ulun-ulun sinusub no siminaguli' am pambala' ra raja' ra baal raginio.

AMSAL 10:2

Amon ru langkaya' kaa' intor ra guang kalo mabanis io kalo magibit ra kaansayan, kaa' kabanisan ru guang mangampin ra kaayagan.

AMSAL 11:4

Kolondo' onong ru linangkaya' ru ulun no bulintok tumingkuang ra kapatayan, kaa' kabanisan ru guang mamayag ra ulun.

MAMPATANOU 5:10

Jumanjai poyo suang ru langkaya' mino, jumanjai niayuk suang ru saanin min. Kalo makaalap kau ra atan-atan kaulian, makapandai kau ayuk ra akau ti ulun langkaya'.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

SULABOI 4:1

Mas ondo' manguliat nasauk noyo ra maitom-itom; batu-batu ru Baloi ru Tuhan pinalayak giu' ra ralan.

YEHEZKIEL 13:5

Kalo nagalung ilo ra intok-intok ondo' napuut timbok no, kapoam mambaal saguli' ra timbok-timbok no, saboi ra Israil kalo maampin paat ra masauk pangayawan ra orou ra Aku, Tuhan matong mangukum.

YEHEZKIEL 14:7

“Paat ra sangulun Israil kapoam sangulun bansa' ra bokon ondo' minayan ra gino ngai' ru ulun ru Israil, timinalikur intor Raki' am siminamba ra sinungkalalaing, am makibilin boo intor ra sangulun nabi, Aku Tuhan tumaam riso!

YEHEZKIEL 30:3

Orou no mamaar noyo, paat Tuhan mimbuor. Orou raginio molondom am mapagon ra tayar ru bansa'-bansa'.

YEHEZKIEL 44:12

Kaa', sabap ra nambaal ilo ra upacara sumamba ra sinungkalalaing koson bansa' ru Israil, am binaal raginio nangkinibit ra ulun makatula, ginio ra Aku, Tuhan Raja' magibot ra ilo musiti' ukumin.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

JIPANYA 1:3

ngaangai' ulun am bibiag, makaaya' susuit am papait. Kalaan Ku ulun malaat. Pusoon Ku ngaangai' ulun; kolondo' sangulun pana polosoon Ku maayag. Aku, Tuhan nakaindagu noyo.

MATIUS 16:26

Atan onong ru ulun makaalap ra ngaangai' ru tana' ti amon ru matatakan io ra painawo nano? Maaru' kolondo'! Sabap atan kia pangangalig ra painawo nano?

ROMA 11:9

Kon niayuk ru raja' Daut ragili, “Polosoon ilo malandak am rokopon ra bunsag nilo galama', gama' ru maratu' am maukum ilo!