YEHEZKIEL 7:16 - Tanou Moonsoi Timugon

¹⁶ Mokoondo' ulun ondo' nagiru' ra gunung koson ra susuit asang mansiab intor ra limayak sabap ra malaa'. Ilo ngaangai' nampalaa sabap ra tula nilo.

YEHEZKIEL 7:16 ပူးပေါင်းရင်းမြစ်များ

IJRA 9:15

Iou Tuhan, i Aki Kapuuno' ru Israil, matimpok Kou kaga'. Kabalu' pana koon raginio, nangiou Kou ramon maayag. Mangiou akai ra tula mai. Kalo maaya' akai matong ra saang Muno.”

MAZMUR 55:2

Iou Aki Kapuuno', rongogo' noyo pakiasian kutu; pai' talikuri' kitaakon kutu.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 37:31

Namagun ru Jiuda ondo' nabayag lumangkaya' koson ra tatanom ondo' nanangasi am mangkawa'.

JISAYA 38:14

Bolos kuno lumuku am malawo, malumpus aku koson ra susuit asang. Mato kuno maagui sabap ra mantingaa' ra limbowon. Iou Tuhan, bayago' aku no intor ra nansalinut kapaganan ragitio.

JISAYA 59:11

Malaa' akai am mangiluk guang; maguyum akai ra katimpakan, kaa' kolondo'; lumansan akai ra pamayagan, kaa' banangan ayuk.

JISAYA 59:12

Masuang kaga' kalaatan mai Rirun; tula-tula mai manguu' ramon. Topot-topot mai malimanan kalaatan mai, am makapandai ra tula-tula mai.

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 44:14

Kolondo' sangulun pana intor ra ulun ru Jiuda ondo' minayan giu' ra Misir makapagiru' kapoam maayag. Kolondo' sangulun pana makauli' ra Jiuda, intok namagunan ondo' moondom ilo koson ra intok ayanan. Kolondo' makauli' ondo' ayuk am kukula' ngaulun nakapagiru'.”

JIRIMIA 44:28

Kaa' santayaran boborok ramuyun ondo' minayan giu' ra Misir maayag am muli' ra Jiuda. Bagu no makapandai ilo ra ragu ri osoi ondo' masauk, ragu Kuno kapoam ragu nilo.

JIRIMIA 9:19

Rongogo' bolos ru tangi' giu' ra Sion, “Natutuk akai noyo! Tinauyu' akai toojo. Musiti' akai mangiruan ra pagun mai; baloi mai linunsai noyo.”

YEHEZKIEL 14:22

Amon ru mokoondo' osoi ayuk ondo' makalabus intor ra ukuman no am niayuk makasugut mamayag ra anak-anak nano, ilai' noyo ilo paat ra ilo matong rirun. Ilai' mapara' boo laat nilono am pangintopot no ra ukuman Kuno ra Jirusalim matimpok.

YEHEZKIEL 34:6

Domba-domba Kuno pana timinanggau boo ra bulur am gunung, nantutuliar ra tana' ti. Kolondo' sangulun pana naguyum kapoam minirot koson mokoowot ra domba-domba no.

YEHEZKIEL 36:31

Makara' min paliso malaat am kasalaan ondo' binaal mino, am majamalan kau boo ra inan galama' sabap ra tula am binaal malaat mino.

NAGUM 2:7

Ulun mamulunsar namparakop ra andu' raja', ulipon-ulipon ruandu' nano mampalaa koson ra susuit asang, luluntug ra kubab sabap ra mangiluk guang.

JIPANYA 1:14

Orou pangakiman ru Tuhan mamaar noyo, sotopot no, orou raginio mamaar noyo kaga' am matong ra mataki'. Orou raginio natikop ra kangilukan, saboi saujor-saujor ondo' maikang kaga' pana lalaur sabap ra malumpus guang.