YEHEZKIEL 7:13 - Tanou Moonsoi Timugon

¹³ Ulun mantatalan kalo maayag ra mabuoi koson manili ra kalubatan, sabap ra sangit ri Aki Kapuuno' lumumpa' ra moonong ulun. Ilo ondo' malaat kalo maayag.

YEHEZKIEL 7:13 ပူးပေါင်းရင်းမြစ်များ

ESTER 8:8

Kaa' kalo malanggaan ku susuban ondo' binaal ralalom ru inggalan kuno galama', am ondo' sinaapan ra saap ru raja'. Kaa' mangiou aku ramuyun manulis ra surat ra ulun ru Jaudi, atan ayuk ondo' kasagaan min. Iowon kau manulis ra surat no ralalom ru inggalan kuno am saapin ginio ra saap ru raja'.”

AYUP 15:25

Ginio noyo pupus ru ulun ondo' baani manggal ri Aki Kapuuno', am manggal ri Io Ondo' Maayo Kaga' Kuasa'.

MAZMUR 52:7

Ginio ra, i Aki Kapuuno' mamuso rirun ra sabuoi-buoi no; rokopon am ralaaton No okou intor ra baloi; pusoon No okou intor ra pagun ru ulun maayag.

MAMPATANOU 8:8

Kolondo' sangulun pana makainggalur kapoam mapainjul ra orou patayan nano. Patayan ti rondo' pangayawan ondo' kalo mailiwan kabalu' pana ra mamparuung.

YEHEZKIEL 12:25

Aku, Tuhan mindagu ra ulun ru Israil, am ngaangai' ondo' raguon Kuno musiti' masauk, ra kalo boo paginjul-ginjul. Akau ulun gumuor, paat ra okou maayag, suguton Ku atan ondo' pinakara' Kuno ramuyun. Aku, Tuhan Raja', nakaindagu noyo.”

YEHEZKIEL 12:28

Ginio ra balai' ilo ra Aku, Tuhan Raja' minindagu: Ngaangai' ondo' raguon Kuno musiti' masauk, ra kalo boo paginjul-ginjul. Aku, Tuhan Raja' nakaindagu noyo!”

YEHEZKIEL 13:22

“Nabaya' ra abau mino kinalawo min guang ru ulun moonsoi, ondo' kalo masaga' Ku jamarin. Nangunsu' kau ra ulun malaat maa' raginio marayus mambaal ra kalaatan saboi kalo mabayag ilo.

IMAMAT 25:13

Paat ra bilor raginio, ngaangai' tana' ondo' natalan noyo moonsoi pasagulion ra tatangan toojo no.

IMAMAT 25:31

Kaa' aturan tayar ru baloi giu' ra pekan ondo' kolondo' rinding batu, nogondo' ra aturan ra tana'. Tatangan toojo makakuasa' mamuli' raginio, am musiti' pasagulion riso paat ra Bilor Papasagulian.