YEHEZKIEL 6:9 - Tanou Moonsoi Timugon

⁹ Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

YEHEZKIEL 6:9 ပူးပေါင်းရင်းမြစ်များ

2 RAJA'-RAJA' 16:10

Paat ra Raja' Agas minongoi ra Damsyik koson tumuum ra Raja' Pul, nakito no altar ra giu' no am nangator ra tiluan ru altar no nabaya' ra gayo nano ondo' motopot ra Imam Uria.

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

MAZMUR 137:1

Ra igig ru sungoi giu' ra Babilonia itakau manturung am mantangi', bulintok ra itakau mangkara' ra Sion.

MAZMUR 78:40

Mapara' ilo masalok lumaat Riso giu' ra tana' kaagisan; mapara' ilo masalok mapangiluk ra guang Nano!

JISAYA 43:24

Kalo binalian min Aku ra kaminyan maamis owou, kapoam jinala' min Aku ra lomok ru bibiag ondo' pataakon min. Kaa' sinimbagatan min boo Aku ra tula mino; kasalaan mino napakapagon Raki'.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.

JISAYA 7:13

Taam boo i Jisaya, “Rongogo' min toojo, akau papag ru Raja' Daut. Kalo kia poyo sama' okou mangkinam ra orot ru ulun? Musiti' kia okou mangkinam ra orot ri Aki Kapuuno' kuno niayuk?

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 3:6

Paat ra pamarintaan ru Raja' Josia, indagu Tuhan raki', “Nakito mu noyo kia binaal ru Israil, ruandu' ondo' kalo gumagaya' no? Nangiruan io Raki' am nantalan ra inan giu' ra rasawat ru moonong bulur masawat am giu' ra saau ru moonong puun tataun masansam.

JIRIMIA 51:50

Indagu Tuhan ra ulun Nano giu' ra Babilonia, “Nakalabus kano intor ra kapatayan. Raino pagiru' kau! Pai' kano paginaa! Kabalu' pana maalur kau intor ra baloi, karaa' min Aku, Tuhan min, am karaa' min Jirusalim.

YEHEZKIEL 12:16

Polosoon Ku santayaran boborok intor risilo maayag intor ra pangayawan, bitilan am maruol tumapik maa' raginio giu' ra gino ngai' ru bansa'-bansa' ra bokon no, makaliman ilo ra mapara' laat ru binaal nilo, am mangiou boo ra Aku noyo Tuhan.”

YEHEZKIEL 16:43

Nalilianan mu ati kulaan pinamakuan Kuno rirun paat ra okou boborok ayuk poyo, am napasingkual kou ra sangit Kuno ra ngaangai' binaal muno. Ginio sabap no ra musiti' kou mansaan ra ukuman no. Kua kia pansawa' kou poyo malupus nambaal ra ngaangai' baal ra bokon ondo' makauyuyu' no?” Tuhan Raja' minindagu noyo.

YEHEZKIEL 16:61

Makara' mu boo binaal muno, am mauyu' paat ra pabukat-pabukat muno muli' rirun. Iowon Ku ilo masauk koson ra anak-anak muno kabalu' pana baal raginio kalo nakaaya' ralalom ru nabantuan Kuno rirun.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

YEHEZKIEL 20:24

Binaal Ku ginio sabap ra nangimpai ilo ra susuban Kuno, minanggal ra ukum Kuno, nampajamol ra orou Sabat am siminamba ra sinungkalalaing ondo' sambaan ru kinamatuaan nilo.

YEHEZKIEL 20:28

Inibit Ku ilo ra tana' ondo' binantu' Kuno, kaa' pakakito ilo ra bulur ondo' mangasawat am puun tataun masansam, nampataak ilo ra taak simbalui giu' ra intok-intok raginio. Napasingkual ilo ra sangit Kuno ra taak simbalui ondo' sinolob am wain ondo' pinataak nilo.

YEHEZKIEL 20:43

Makara' min boo ngaangai' binaal ra makauyuyu' am ondo' nampajamol ra inan min. Mampalua' kau ra inan min galama' sabap ra ngaangai' kalaatan ondo' binaal mino.

YEHEZKIEL 20:7

Nanusub Aku risilo mamatir ra sinungkalalaing ondo' makauyuyu', ondo' kasagain nilo, am nanginggalar risilo mampajamol ra inan am sumamba ra sinungkalalaing ru ulun ru Misir, sabap ra Aku noyo Tuhan, i Aki Kapuuno' min.

YEHEZKIEL 23:30

nangkinibit ra baal ragitio nasauk rirun. Nasauk kou ra ruandu' mantalan ra inan tayar ra bansa'-bansa', am nampajamol ra inan muno ra sinungkalalaing nilo.

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

YEHEZKIEL 6:10

Bagu no makapandai ilo ra Aku noyo Tuhan am ra pampakaraan Kuno sala' ka lolob magabau.”

YEHEZKIEL 7:16

Mokoondo' ulun ondo' nagiru' ra gunung koson ra susuit asang mansiab intor ra limayak sabap ra malaa'. Ilo ngaangai' nampalaa sabap ra tula nilo.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

AMOS 2:13

Raino jajakin Takamin saboi ra tana', koson ra kurita' ru sapi' ondo' nososok ra inaut ra gandum.

MIKA 5:13

Tuyason ku ngaangai' sinungkalalaing Dewi Asyira giu' ra pagun min am pusoon Ku bandar-bandar min.

JAKARIA 10:9

Kabalu' pana pinantutuliar Ku ilo ra gino ngai' ru bansa', kaa' giu' ra intok maalur makakara' ilo Raki'. Ilo am anak-anak nilo maayag am mababaya' muli'.

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

2 PITRUS 2:14

Ilo ti kalo majajala' mambaal ra tula am makapaliso ilo ra pansasawaan. Ulun ondo' malawo pangintapatan, rukuon nilo palayawo'. Maringkumaa' ilo am ginio kaindalaman nilo. Kaa' ulason ilo ri Aki Kapuuno'!