YEHEZKIEL 6:8 - Tanou Moonsoi Timugon

⁸ Polosoon Ku santayaran intor risilo makalabus intor ra pamatayan no, am pantutuliaron giu' ra pagun-pagun ra bokon.

YEHEZKIEL 6:8 ပူးပေါင်းရင်းမြစ်များ

NIGIMIA 1:8

Iou Tuhan, karaa' noyo ragu Muno ri Musa ragili, ‘Amon ru akau, ulun ru Israil, kalo gumagaya' Raki', pantutuliaron Takamin ra bansa'-bansa' ra bokon.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

JIRIMIA 44:14

Kolondo' sangulun pana intor ra ulun ru Jiuda ondo' minayan giu' ra Misir makapagiru' kapoam maayag. Kolondo' sangulun pana makauli' ra Jiuda, intok namagunan ondo' moondom ilo koson ra intok ayanan. Kolondo' makauli' ondo' ayuk am kukula' ngaulun nakapagiru'.”

JIRIMIA 44:28

Kaa' santayaran boborok ramuyun ondo' minayan giu' ra Misir maayag am muli' ra Jiuda. Bagu no makapandai ilo ra ragu ri osoi ondo' masauk, ragu Kuno kapoam ragu nilo.

JIRIMIA 46:28

Matong Aku am mamayag ramuyun. Pusoon Ku ngaangai' pagun intok nampatutuliaran Kuno ramuyun, kaa' kalo mamuso Aku ramuyun. Kalo palabuson Takamin intor ra ukuman, kaa' paat Takamin ukumin, matimpok Aku. Aku, Tuhan, nakaindagu noyo.”

YEHEZKIEL 12:16

Polosoon Ku santayaran boborok intor risilo maayag intor ra pangayawan, bitilan am maruol tumapik maa' raginio giu' ra gino ngai' ru bansa'-bansa' ra bokon no, makaliman ilo ra mapara' laat ru binaal nilo, am mangiou boo ra Aku noyo Tuhan.”

YEHEZKIEL 14:22

Amon ru mokoondo' osoi ayuk ondo' makalabus intor ra ukuman no am niayuk makasugut mamayag ra anak-anak nano, ilai' noyo ilo paat ra ilo matong rirun. Ilai' mapara' boo laat nilono am pangintopot no ra ukuman Kuno ra Jirusalim matimpok.

YEHEZKIEL 5:10

Kinibit nano, giu' ra Jirusalim, matuo mangakan ra anak nilo, am anak mangakan ra matuo nilo. Mangukum Aku rirun am mampatutuliar ra osoi ayuk ondo' lakat poyo maayag ra ngaangai' intok.

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

YEHEZKIEL 5:2

Solobo' sampitalu ra abuk no giu' ra ralalom ru bandar mopongo' pagawangan maampus. Ondo' sampitalu poyo musiti' totokon mu ra ilang muno liliwa' lumiput ra bandar no. Sampitalu ondo' pupus musiti' pasiabon mu, am ilowon Ku ginio ra ilang Kuno.

YEHEZKIEL 6:7

Ulun ondo' potoyon giu' ra ati pana intok, am ilo ondo' maayag mangiou ra Aku noyo Tuhan.

YEHEZKIEL 7:16

Mokoondo' ulun ondo' nagiru' ra gunung koson ra susuit asang mansiab intor ra limayak sabap ra malaa'. Ilo ngaangai' nampalaa sabap ra tula nilo.

JIPANYA 3:12

Ulun ondo' asabin am ondo' minggana' guang polosoon Ku mayan ra giu' no. Matong ilo makiindangan Raki'.

ROMA 9:27

Kon poyo ru nabi Jisaya intor ra ulun ru Israil, “Kabalu' pana suang ru ulun ru Israil no koson ra agis ru raat, kaa' sanganu ayuk bayagon,