YEHEZKIEL 6:6 - Tanou Moonsoi Timugon

⁶ Ngaangai' bandar giu' ra Israil pusoon maa' raginio altar am sinungkalalaing nilo mopopol toojo, intok panalaban ra kaminyan nilo matutuk, am ngaangai' ondo' binaal nilo lumiot.

YEHEZKIEL 6:6 ပူးပေါင်းရင်းမြစ်များ

1 RAJA'-RAJA' 14:23

Nambaal ilo ra intok-intok sambaan ra dewa am nampatirong ra lugu'-lugu' ru sinungkalalaing sambaan am tatandu'-tatandu' ru Dewi Asyira koson sambaan giu' ra bulur-bulur am ra saau ru puun-puun tataun makalu.

MAZMUR 115:8

Polosoon noyo ngaangai' ulun ondo' namangun ra sinungkalalaing, am ondo' mangintopot ra sinungkalalaing, masauk ilo niayuk koson ra sinungkalalaing ondo' binangun nilono.

JISAYA 1:31

Koson ra rami nosolob ra baa makaapui, koson raginio niayuk ra ulun-ulun makakuasa' ondo' pusoon ru binaal malaat nilo galama', am kolondo' sangulun pana mopolonggo' ra pamusaan raginio.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JISAYA 64:10

Bandar-bandar Muno ra matulai masauk koson ra tana' kaagisan. Jirusalim masauk ra naluyuan am nasisiluk ayuk

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

JIRIMIA 17:3

am giu' ra rasawat ru gunung-gunung giu' ra liwar ru bandar. Susubon Ku pantula' mino magaut ra ngaangai' rapu' am kalangkayaan mino, sabap ra ngaangai' tula ondo' binaal min giu' ra titikop pagun.

JIRIMIA 2:15

Pantula' nano mansangal koson ra singa', am nampasauk ra tana' nano kolondo' tutuu' am masiluk; bandar-bandar nangaurus, am kolondo' ulun minayan.

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 51:18

Dewa-dewa no kolondo' onong am musiti' asabin; ngaangai' no pusoon paat ra Tuhan matong koson mangukum.

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

JIRIMIA 9:19

Rongogo' bolos ru tangi' giu' ra Sion, “Natutuk akai noyo! Tinauyu' akai toojo. Musiti' akai mangiruan ra pagun mai; baloi mai linunsai noyo.”

YEHEZKIEL 12:19

Balai' ngaangai' bansa' ra gitio noyo ragu ru Tuhan Raja' ra mamagun ru Jirusalim ondo' lakat poyo minayan giu' ra pagun nilo: Monontol ilo paat ra ilo mangakan, am monontol ra malaa' paat ra ilo manginum. Pagun nilo mapuso am masauk ra kolondo' tutuu' sabap ra ngaangai' ulun minayan ra giu' minanggal ra ukum.

YEHEZKIEL 16:39

Pataakon Tokou risilo, am lunsayon nilo intok-intok pantalanan muno ra inan am niayuk sumamba ra sinungkalalaing. Gaawon nilo bayang am limpor muno, saboi magibaang kou.

YEHEZKIEL 30:13

Indagu Tuhan Raja', “Pusoon Ku sinungkalalaing no am dewa-dewa giu' ra Mimpis. Kolondo' boo raja' ondo' mamarinta giu' ra Misir am baalon Ku ngaangai' ulun malaa'.

YEHEZKIEL 35:4

Bandar-bandar min saukon Ku ra malunsai-lunsai, am pagun min saukon ra tana' kaagisan. Bagu no makapandai kau ra Aku noyo Tuhan.

YEHEZKIEL 5:14

Moonong ulun intor ra pagun-pagun ra paginggaar ondo' mansail rirun magasab am minggalur rirun.

YEHEZKIEL 6:4

Altar puuton, am intok panalaban ra kaminyan popolon. Ngaangai' ulun ra giu' no potoyon ra saang ru sinungkalalaing nilo.

YEHEZKIEL 6:7

Ulun ondo' potoyon giu' ra ati pana intok, am ilo ondo' maayag mangiou ra Aku noyo Tuhan.

GOSIA 10:2

Guang nilo natikop ra ruung am raino ilo musiti' maimbolo' kinibit ru tula nilo. Lunsayon ri Aki Kapuuno' altar-altar nilo am mampagaba' ra batu-batu sambaan nilo.

GOSIA 10:8

Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

MIKA 1:7

Pusoon Ku ngaangai' sinungkalalaing no, am moonong kuliamos ondo' longgom ru ulun mantalan ra inan giu' ra kuil pusoon ralalom ru apui. Ngaangai' sinungkalalaing nano masauk ra ginsamol. Naalapan ru Samaria ra ngaangai' kuliamos no koson ampos ru sumamba ra dewa kalabungan; raino pantula' nano piboo nagibit ra kuliamos-kuliamos no koson taakin ra ulun-ulun mantalan ra inan giu' ra kuil ru bokon.”

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

MIKA 5:13

Tuyason ku ngaangai' sinungkalalaing Dewi Asyira giu' ra pagun min am pusoon Ku bandar-bandar min.

ABAKUK 2:18

Atan onong ru sinungkalalaing? Sinungkalalaing binaal ayuk ru ulun am ondo' noowot min intor raginio abau ayuk toojo. Atan kia kalabaan ondo' moowot ru ulun nambaal ra sinungkalalaing intor ra sinungkalalaing no? Sinungkalalaing kalo mindagu!

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

JAKARIA 13:2

Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.

1 SAMUIL 5:4

Paat ra suabon raginio iosusuab, nakito nilo sinungkalalaing no naratu' poyo ra saang ru Kaban Nabantuan. Raino ti ulu ru sinungkalalaing no am karuruo longon nano naputul am nakabanta' ra kulobon no; inan ayuk boo ru sinungkalalaing no lakat poyo soroi. (