YEHEZKIEL 6:5 - Tanou Moonsoi Timugon

⁵ Baalon ku baangkai ru ulun ru Israil makabanta' ra ati-ati; am bungul nilo makabanta' ra liput ru altar-altar no.

YEHEZKIEL 6:5 ပူးပေါင်းရင်းမြစ်များ

2 RAJA'-RAJA' 23:14

Nomopol Raja' Josia ra tatandu' ondo' timpokon ra Dewi Asyira, am nangumok ra lugu'-lugu' batu, am namumpun ra tana' no ra bungul-bungul ru ulun.

2 RAJA'-RAJA' 23:16

Kopongo raginio nampulolou Raja' Josia ra liliut nano am nakakito ra kukula' lobong giu' ra rasawat ru bulur. Kinali no lobong-lobong raginio, am nangingkual am nonolob ra bungul intor ra lobong-lobong raginio, giu' ra rasawat ru altar. Ginii noyo binaal ru Raja' Josia nampajamol ra altar no. Koon raginio noyo ragu inala' ru sangulun nabi paat ra pangiantakan, bulintok Raja' Jirobiam miningor mamaar ra altar no. Nampulolou poyo Raja' Josia ra liliut nano, am nakakito ra rondo' lobong ra bokon.

MAZMUR 53:5

Nangkuot i Aki Kapuuno', “Kalo kia nakapandai ulun malaat no? Kaayagan nilono manalingaau ayuk ra ulun Kuno, am kalo igondo' pakiasi' Raki'.”

JIRIMIA 7:32

Ginio ra, masaboi paat no ra intok raginio kalo boo sabiton ra Topit kapoam Limayak Ginom, kaa' Limayak Pamatayan. Lobongon nilo baangkai ra giu' no sabap ra kolondo' boo intok ra bokon.

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.