YEHEZKIEL 6:14 - Tanou Moonsoi Timugon

¹⁴ Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

YEHEZKIEL 6:14 ပူးပေါင်းရင်းမြစ်များ

MAZMUR 138:7

Bulintok ra aku natiu' ra kapaganan, alungin Mu aku; anggalon Mu pantula' kuno ondo' malaat, am bayagon Mu aku ra kuasa' Muno.

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 24:1

Tana' ti pusoon ru Tuhan saboi masauk lumata' am masiluk. Lapiaton No ralimbou ru tana' ti am pantutuliaron No namagun no.

JISAYA 24:7

Puun ru anggur lumonot, am buoi-buoi no wain pana maawai. Ulun ondo' maansukan ra galing i ragino malumpus guang.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.

JIRIMIA 48:22

Dibon, Nibo, Bit-Diblataim,

YEHEZKIEL 12:15

Pantutuliaron Ku ilo ra gino ngai' ru bansa'-bansa' ra bokon giu' ra pagun ra bokon, bagu no makaliman ilo ra Aku noyo Tuhan.

YEHEZKIEL 14:13

“Okou ulun mapandai matoi, amon rondo' bansa' makatula am kalo gumagaya' Raki', ukumin Ku ilo am mamuso ra lutu' ru akanon nilo. Porotongon Ku bitilan am mamatoi ra ulun am niayuk bibiag.

YEHEZKIEL 15:8

Kalo gumagaya' ilo Raki'. Ginio ra pasaukon Ku pagun nilo ra tana' kaagisan.” Tuhan Raja' nakaindagu noyo.

YEHEZKIEL 16:27

“Kaa' raino mimbuor Aku koson mangukum rirun am mangalap ra barakat ondo' pinataak Kuno rirun. Pinataak Tokou no ra ulun ru Palistin ondo' masisang rirun am niayuk majamalan ra binaal muno ondo' makauyuyu' no.

YEHEZKIEL 25:7

Ginio ra pataakon Takamin ra bansa'-bansa' ondo' mantakou am manalingaau ra ngaangai' longgom min. Pusoon Takamin koyoo' saboi akau sala' ka boo bansa' ondo' mokoondo' ra pagun galama'. Makapandai kau boo ra Aku noyo Tuhan.”

YEHEZKIEL 33:28

Saukon Ku pagun ti ra tana' kaagisan ondo' kolondo' tutuu' am masiluk, am kinaayo ondo' lilimbawan min pupusin. Gunung-gunung giu' ra Israil saukon ra masiluk saboi kolondo' sangulun pana mansail ra giu' no.

YEHEZKIEL 35:9

Saukon Ku pagun min ra kolondo' tutuu' am masiluk ra sabubuoi no. Kolondo' boo osoi pana mayan ra bandar-bandar min. Bagu no makapandai kau ra Aku noyo Tuhan.

YEHEZKIEL 7:1

Indagu Tuhan raki',

YEHEZKIEL 7:4

Kalo malubatan Aku rirun kapoam makaasi' rirun. Ukumin Tokou ra binaal muno ondo' makauyuyu' no, maa' raginio makapandai kou ra Aku noyo Tuhan.”

JIPANYA 1:4

“Ukumin Ku mamagun ru Jirusalim am mamagun ru titikop Jiuda. Saliiron Ku ondo' natatang ra sumamba ra Baal intor ra intok-intok raginio. Imam-imam ondo' mangandoi ayuk ra Baal lilianin ra malingon.