YEHEZKIEL 5:6 - Tanou Moonsoi Timugon

⁶ Kaa' Jirusalim giminuor ra susuban Kuno, am nasingkual ra malaat poyo intor ra bansa'-bansa' ra bokon, mulu' poyo kalo gumagaya' intor ra pagun-pagun ra libung nano. Minanggal Jirusalim ra susuban Kuno am kalo gumagaya' ra ukum Kuno.

YEHEZKIEL 5:6 ပူးပေါင်းရင်းမြစ်များ

2 RAJA'-RAJA' 21:11

“Raja' Manasi nambaal ra baal-baal ondo' majaka', ondo' majaka' poyo intor ra binaal ru ulun ru Kanaan. Ra ondo' sinungkalalaing nano, nangkinibit io ra mamagun ru Jiuda makatula.

2 RAJA'-RAJA' 21:9

Kaa' ulun ru Jiuda kalo giminagaya' ra Tuhan. Raja' Manasi nangkinibit risilo makatula ra maayo poyo intor ra tula ru bansa'-bansa' ondo' pinagiru' ru Tuhan paat ra ulun Nano siminubol ra pagun no.

NIGIMIA 9:34

Kinamatuaan mai, raja'-raja', imam-imam am tingganai-tingganai mai, kalo gumagaya' ra Taurat Muno. Kalo nampalio ilo ra susuban am pampakaraan Muno.

NIGIMIA 9:35

Mabaya' ra barakat Muno raja'-raja' namarinta ra ulun Muno, paat ra ilo minayan giu' ra pagun ondo' malangka' am malabung, tana' tinaakan Muno. Kabalu' pana raginio kalo nangiruan ilo ra tula, marara' ilo mangandoi ayuk Rirun.

MAZMUR 106:20

Aligin nilo i Aki Kapuuno' ondo' matulai no ra sinungkalalaing ru sapi' mongkotop ra sakot.

MAZMUR 78:10

Kalo sinugut nilo nabantuan nilo ri Aki Kapuuno'; marara' ilo gumagaya' ra ukum Nano.

KAINGKUALAN 16:28

Indagu boo Tuhan ri Musa, “Kula' poyo buoi min kalo gumagaya' ra susuban Kuno?

JIRIMIA 11:10

Nambaal ilo ra tula ondo' binaal ru kinamatuaan nilai ondo' marara' gumagaya' Raki'; sinamba nilo tuhan-tuhan ra bokon. Israil am poyo Jiuda minanggal ra nabantuan ondo' binaal Kuno ra kinamatuaan nilai.

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JIRIMIA 8:5

Kaa' kua ramuyun, ulun Kuno, nararayus nangiruan Raki' am kalo siminaguli' Raki'? Kua mapiot guut min ra sinungkalalaing min am marara' sumaguli' Raki'.

YEHEZKIEL 11:12

Makapandai kau boo ra Aku noyo Tuhan, am gumagaya' ra ukum ru pagun-pagun ra paginggaar, inanggal min ukum Kuno am nangimpai ra susuban Kuno.”

YEHEZKIEL 16:51

“Tula ru Samaria kalo saboi sampiruo intor ra tula muno. Binaal muno makauyuyu' poyo intor ra ngaangai' binaal nano. Sabap ra totopot malaat kou, ilain koson Samaria am Sodom kolondo' sala amon ru pogondoon rirun.

DANIL 9:15

“Nanulu' Kou ra kuasa' Muno bulintok ra Okou nagibit ra ulun Muno miningkual intor ra Misir, iou Tuhan, i Aki Kapuuno' mai. Lakat mai poyo makara' kuasa' Muno. Makatula akai noyo am nambaal ra kasalaan.

DANIL 9:5

“Makatula akai noyo. Nambaal akai noyo ra kalaatan. Nambaal akai noyo ra kasalaan. Minanggal akai noyo ra susuban Muno, am siminiang intor ra aturan Muno.

DANIL 9:8

Raja'-raja' mai, panguasa'-panguasa' mai am kinamatuaan mai nambaal noyo ra baal ondo' makauyuyu' am niayuk makatula Rirun, iou Tuhan.

JAKARIA 7:11

Kaa' ulun Kuno mokotog ulu am marara' rumongog ra susuban Kuno; silongon nilo talingo maa' raginio kalo mokorongog.

1 KORINTUS 5:1

Sotopot no binalaan aku ra mokoondo' intor ramuyun mansawa', mokoondo' sangulun liminapau ra ina' nanukapu riso. Ginio malaat toojo intor ra kaindalaman ru ulun ondo' kalo makaulig ra Tuhan.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.