YEHEZKIEL 5:5 - Tanou Moonsoi Timugon

⁵ Indagu Tuhan Raja', “Ilai' Jirusalim no! Paayanon Ku bandar no giu' ra pusor ru tana' ti, am pagun-pagun ra bokon giu' ra libung nano.

YEHEZKIEL 5:5 ပူးပေါင်းရင်းမြစ်များ

MAZMUR 87:3

Rongogo' noyo, okou bandar ri Aki Kapuuno', Baal-baal ra moonsoi ondo' sinabit Nano ra koson rirun:

JIRIMIA 6:6

Tuhan Ondo' Maayo Kaga' Kuasa' nanusub noyo ra raja'-raja' koson mantagar ra puun tataun am mambaal ra timbok koson magawang ra Jirusalim. Indagu Tuhan, “Mangukum Aku ra bandar ti sabap ra masuang kaga' pangimbalaan nasauk ragiti.

SULABOI 1:1

Mapara' boo siluk ru Jirusalim, ondo' ragili nososok ra mamagun! Ragili bandar no urumaton giu' ra titikop ru tana', kaa' raino koson ra ruandu' napuor. Bandar ondo' matulai kaga' ra tana' ti nasauk noyo ra ulipon.

YEHEZKIEL 16:14

Sabap ra kinantalur muno, nauligan kou kaga' ra gino ngai' ru bansa'. Aku noyo ondo' nangkinibit rirun mantalur koson raginio!” Koon raginio noyo ragu ru Tuhan Raja'.

YEHEZKIEL 4:1

Indagu i Aki Kapuuno', “Okou ulun mapandai matoi, alapo' rondo' batu bata am pabantaa' giu' ra saang muno. Lukiso' bandar Jirusalim giu' ra ralimbou ru batu bata no.

YEHEZKIEL 5:4

Alapo' boo kukula' ngantiis abuk no am pasuboo' ra ralalom ru apui saboi makai' kosolob. Apui no rumalat ra ngaangai' bansa' ru Israil.”

MIKA 5:7

Ilo ondo' lakat poyo maayag ra gino ngai' ru bansa'-bansa' ru bokon masauk koson ra singa' ondo' maguyum ra akanon giu' ra kataunan kapoam giu' ra padang ru sakot; siminubol singa' no ra tatanga' ru domba-domba, nansaam am niayuk bibinsango' domba; kolondo' sangulun pana makapamayag ra domba-domba no.

MATIUS 5:14

Mogondo' ra lampung no manilau ra intok molondom, koson niayuk akau magibit ra silau ra tana' ti. Bandar ondo' binaal ra tampak ru bulur no kalo maalap ra buni.

1 KORINTUS 10:4

Am niayuk nanginum ilo ra inumon ondo' pinaingkual ri Aki Kapuuno' intor ra batu ondo' namaya' risilo; sotopot no batu i Kristus galama'.

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

SAGULION 8:20

Amon kalo gumagaya' kau ra Tuhan, am pusoon kau koson ra bansa'-bansa' ondo' pinuso Nano paat akau jiminalai.”