YEHEZKIEL 5:17 - Tanou Moonsoi Timugon

¹⁷ Porotongon Ku maruol tumapik, pampatayan am pangayawan koson mamatoi ra mamagun muno. Porotongon Ku bitilan am niayuk bibiag masigo koson mamatoi ra anak-anak nilo. Aku, Tuhan nakaindagu noyo.”

YEHEZKIEL 5:17 ပူးပေါင်းရင်းမြစ်များ

2 RAJA'-RAJA' 17:25

Paat ra ilo nakasaboi galing giu' ra pagun no, kalo siminamba ilo ra Tuhan. Ginio ra nangator Tuhan ra singa' koson mamatoi ra santayaran intor risilo.

KAINGKUALAN 23:29

Kalo pagiruon Ku ilo ngaangai' ra buoi ru sambilor, sabap ra baal ragitio makasauk ra tana' no mokoloso am bibiag masigo sumuang kaga'.

JIRIMIA 15:3

Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

YEHEZKIEL 14:15

“Kapoam maaru' lair porotongon Ku bibiag masigo koson mamatoi ra ulun saboi pagun no nasauk ra makalalaa' kaga' am ulun kalo makasail ra giu'.

YEHEZKIEL 14:19

Amon ru porotongon Ku maruol tumapik ra pagun ti, ulun am poyo bibiag matoi sabap ra Aku sumangit.

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 17:21

Saujor-saujor nano ondo' mapanggol kaga' potoyon ralalom pangayawan, am ilo ondo' maayag pantutuliaron ra ati ayuk intok. Makapandai kau boo ra Aku, Tuhan nakaindagu noyo.”

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

YEHEZKIEL 21:3

ra Aku, Tuhan mindagu: Aku pantula' min. Butuson Ku ilang am mamatoi ramuyun ngaangai', ondo' malaat am niayuk ondo' moonsoi.

YEHEZKIEL 21:32

Mapuso kau akanon ru apui. Raraa' min malayak giu' ra pagun min galama'. Kolondo' osoi pana boo makakara' ramuyun.’ ” Tuhan nakaindagu noyo.

YEHEZKIEL 22:14

Lakat poyo kia baani kau kapoam lakat poyo kia maikang kau mangakat ra kalindu' min malupus ra Aku mangukum ramuyun? Aku, Tuhan minindagu noyo am mambaal Aku ra atan ondo' rinagu Ku noyo.

YEHEZKIEL 23:47

Polosoo' santimungan ulun no momobol risilo am mamulunsar risilo ra ilang, mamatoi ra anak-anak nilo, am monolob ra baloi nilo.

YEHEZKIEL 26:14

Tatangon Ku rondo' batu ayuk ra tayar ru ulun mangimpait manuug ra ralo. Bandar no kalo boo baalon. Aku Tuhan Raja' nakaindagu noyo.”

YEHEZKIEL 28:23

Porotongon Kuno maruol tumapik rirun am mompoloso ra raraa' tumilis ra ralan-ralan muno. Bulunsaron kou ru pantula' intor ra ngaangai' intok am mamagun muno potoyon. Okou pana makapandai boo ra Aku noyo Tuhan.”

YEHEZKIEL 30:12

Lasakin Ku Sungoi Nil am pataakon Misir ra ralalom kuasa' ru ulun malaat. Ulun bansa' ru bokon mamuso ra titikop pagun no. Aku, Tuhan nakaindagu noyo.”

YEHEZKIEL 33:27

“Posoboyo' ragu pampakaraan intor Raki', Tuhan Raja' risilo. Sabap ra Aku, i Aki Kapuuno' ondo' naayag, ulun ondo' minayan giu' ra intok nalunsai ra bandar-bandar no potoyon. Ilo ondo' minayan giu' ra kampung akanon ru bibiag masigo. Ilo ondo' nansibuni giu' ra gunung am giu' ra luang batu matoi sabap ra maruol tumapik.

YEHEZKIEL 37:14

Pasampuyon Ku painawo Kuno ra ralalom nilo koson mamayag risilo saguli'. Aku pana mangiou risilo mayan poyo giu' ra pagun nilo galama'. Makapandai ilo boo ra Aku noyo Tuhan. Binantu' Ku mambaal raginio am maaru' baalon Ku. Aku, Tuhan minindagu noyo.”

YEHEZKIEL 38:22

Ukumin Ku boo io ra maruol tumapik am pasasaron raraa'. Rasam maawas, rasam batu, apui am bilirang makalumpa' riso am saujor nano, am niayuk bansa'-bansa' ondo' maya' riso.

YEHEZKIEL 5:15

“Paat ra Aku sumangit am lumasu' guang, ukumin Tokou, saboi ra ngaangai' bansa' ra liput muno malaa'. Magasab am mangiis ilo rirun.

YEHEZKIEL 5:16

Langgain Ku mampalutu' ra akanon rirun am polosoon mamagun muno mangaitilan. Makaliman kou ra mapari' ra maitilan koson ra anak panah malarom ondo' mamuso rirun.

YEHEZKIEL 6:1

Indagu Tuhan raki',

YEHEZKIEL 6:12

Ilo ondo' maalur matiu' ru maruol am matoi; ilo ondo' mamaar matoi ralalom pangayawan; osoi ayuk ondo' lakat poyo maayag am mamimio matoi ra bitilan. Makaliman ilo ra ruol ru sangit Kuno.

IMAMAT 26:22

Mangator Aku ra bibiag masigo ra tatanga' mino. Mamatoi bibiag-bibiag no ra anak-anak mino am mamuso ra bibiag tinambiag mino, saboi kukula' ngaulun kau ayuk soroi, am ralan-ralan mino mangasiluk.

MATIUS 24:35

Limbowon am tana' ti mapuso, kaa' ragu Kutu mantilayun.”

SAGULION 32:24

Matoi ilo sabap ra mansalom am bitilan; matoi ilo sabap ra maruol ondo' makalalaa'. Maparatong aku ra bibiag masigo koson mansaam risilo, am kukuo makatuwo koson maninduk risilo.

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.