YEHEZKIEL 5:13 - Tanou Moonsoi Timugon

¹³ “Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

YEHEZKIEL 5:13 ပူးပေါင်းရင်းမြစ်များ

JISAYA 1:21

Bandar ra galing i gumagaya', ragino koson boo ra ruandu' mantalan ra inan! Galing i bandar no nososok ra ulun ondo' matimpok am mabanis guang, kaa' ragino ulun mamamatoi ayuk natatang ra giu' no.

JISAYA 1:24

Ginio ra, ragino rongogo' noyo Tuhan Ondo' Maayo Kaga' Kuasa', i Aki Kapuuno' ru Israil mindagu, “Pantula' Kuno, balasin Takamin. Akau pana kalo boo mantipagon Raki'.

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 15:9

Ina' ondo' napusaan ra tulu' ngaulun anak nano ikab-ikab am malausan, koson riso mato ru orou nokotolop noyo buoi ru matawang; inasaban io am tinauyu'. Manusub Aku ra pantula' min mamatoi ra ulun ondo' lakat poyo naayag ra gino ngai' min. Aku, Tuhan nakaindagu noyo.”

JIRIMIA 25:12

Mopongo raginio ukumin Ku ulun Babilonia am raja' nilo sabap ra tula nilo. Pusoon Ku pagun ru Babilonia am mompoloso riso malunsai ra sabubuoi no.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

SULABOI 4:22

Inukum noyo Sion sabap ra tula nano; raino Tuhan kalo boo mompoloso ramon mayan giu' ra intok pamatiran. Kaa' okou, Idom, ukumin ru Tuhan; tula-tula muno patalangon.

YEHEZKIEL 13:15

“Timbok no am ilo ondo' nangapur no makaliman ra kinoporos ru sangit Kuno. Bagu no balain Takamin ra timbok no am ulun nangapur no napuso,

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 16:42

Aku pana mokororo' am sangit Kuno sumalui. Kalo boo sumangit kapoam maingot Aku.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

YEHEZKIEL 17:21

Saujor-saujor nano ondo' mapanggol kaga' potoyon ralalom pangayawan, am ilo ondo' maayag pantutuliaron ra ati ayuk intok. Makapandai kau boo ra Aku, Tuhan nakaindagu noyo.”

YEHEZKIEL 20:21

“Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

YEHEZKIEL 21:17

Aku niayuk magilakup, am sangit Kuno lumonggo'. Aku, Tuhan nakaindagu noyo.”

YEHEZKIEL 21:22

Panah ondo' makatatandu' ra ‘Jirusalim’ butuson ru kalindu' pamiris nano. Baal ragitio makaarati' ra raja' musiti' manuntur ra tataun-tataun panukul giu' ra kulobon garabang, mambaal ra rinding masawat ru pagawangan am mangkali ra parit-parit.

YEHEZKIEL 23:25

Sabap ra sumangit Aku rirun, polosoon Ku ilo malaat pamakuan rirun. Binsilon nilo arung am talingo muno, am niayuk mamatoi ra anak-anak muno ra ungkuyon am ruandu'. Totopot ilo mamparakop am monolob ra anak-anak muno ra biag-biag.

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

YEHEZKIEL 43:8

Raja'-raja' nilo nambaal ra tataun pangiing am lugu' ru kulobon ra istana nilo giu' ra kiing ru kulobon am lugu' ru kulobon ra Baloi Kuno, saboi rondo' ayuk timbok nokololot risilo intor Raki'. Jinamalan nilo inggalan Kuno ondo' matulai ra ngaangai' binaal nilo ondo' makauyuyu'. Ginio ra namuso Aku risilo sabap ra siminangit Aku kaga'.

YEHEZKIEL 6:10

Bagu no makapandai ilo ra Aku noyo Tuhan am ra pampakaraan Kuno sala' ka lolob magabau.”

YEHEZKIEL 6:12

Ilo ondo' maalur matiu' ru maruol am matoi; ilo ondo' mamaar matoi ralalom pangayawan; osoi ayuk ondo' lakat poyo maayag am mamimio matoi ra bitilan. Makaliman ilo ra ruol ru sangit Kuno.

YEHEZKIEL 7:3

Okou Israil, raino nasaboi noyo kapusaan muno! Makaliman kou ra poros ru sangit Kuno, sabap ra mangakim Aku ra binaal muno. Mambalos Aku ra paliso muno ondo' makauyuyu' no.

YEHEZKIEL 7:8

Sangkinolor poyo am makaliman kau ra kinoporos ru sangit Kuno. Mangakim Aku ramuyun, am mambalos Aku ramuyun ra ngaangai' paliso min ra makauyuyu' no.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 9:2

Paat ra bilor kasaa' ra pamarintaan nano, nambasa' aku ra buuk kitab. Nampaguang aku toojo ra baal ru bandar Jirusalim ondo' nasauk ra tuntur nalunsai buoi tulu' ngoopor ngambilor, koson ondo' rinagu ru Tuhan ri Nabi Jirimia.

GOSIA 10:10

Bulunsaron Ku ulun ondo' makatula ti am mangukum risilo. Bansa'-bansa' maguguum koson manggal risilo, am ukumin ilo sabap ra tula nilo ondo' masuang no.

JAKARIA 6:8

Kopongo raginio golok malaikat no raki', “Kuda ondo' minongoi ra Babilonia giu' ra ralayo nampalinos ra sangit ri Aki Kapuuno'.”

SAGULION 28:63

Koson ra Tuhan masaga' mapasauk ramuyun ra langkaya' am nampakasuang ramuyun, koson raginio niayuk Io masaga' mamuso am mapaluus ramuyun. Kalo bubulon kau intor ra tana' ondo' kalo boo mabuoi maayanan min.

SAGULION 32:36

Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.