YEHEZKIEL 48:8 - Tanou Moonsoi Timugon

⁸ Tayar ru tana' ondo' sumunu' no musiti' pasuayon koson pamakayan ra inaru'. Gawar no musiti' 12.5 ngakilomito intor ra balitan ralayo mongoi ra rabugus. Balitan ra sirangon am kalasaan musiti' mogondo' gawar no ra tayar-tayar ondo' pataakin ra bansa'-bansa' ra bokon. Baloi ru Tuhan baalon ra tayar ragitio.

YEHEZKIEL 48:8 ပူးပေါင်းရင်းမြစ်များ

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

PINAINTALANG 22:3

Giu' ra bandar no kolondo' rondo' pana ondo' inibatan ri Aki Kapuuno'. Takhta ri Aki Kapuuno' am Anak Domba no sumoroi ra bandar no am ulipon-ulipon Nano sumamba Riso ra giu' no.

PINAINTALANG 21:22

Kalo nakito ku Baloi Tuhan giu' ra bandar no, sabap ra Tuhan galama' soroi ra giu', i Aki Kapuuno' Maayo Kaga' Kuasa' am Anak Domba no.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.

KOLOSI 2:9

Sabap ra ngaangai' paliso ri Aki Kapuuno' rumondon ri Kristus, paat ra Io naayag ra tana' ti pana.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

YEHEZKIEL 48:35

Ngaangai' ru timbok no ra gawar 9 ngakilomito. Intor raino bandar no ininggalanan ra “Tuhan Soroi Ragiti!”

YEHEZKIEL 48:21

Tana' giu' ra tampilon kalasaan am sirangon intor ra tana' ondo' linuntuk koson Baloi ru Tuhan, tana' ru imam-imam no, tana' ru ulun ru Liwi am bandar no, iono longgom ru ulun manguasa' ondo' mamarinta. Giu' ra tampilon sirangon, tana' no malangka' saboi ra balitan ra sirangon, am giu' ra tampilon kalasaan saboi ra Raat Tanga', am ginio nambalit ra tana' ru Jiuda giu' ra ralayo, am tana' ru Binjamin giu' ra rabugus.

YEHEZKIEL 48:9

Giu' ra pusor ru tayar ragitio, rondo' intok ra langka' no 12.5 ngakilomito gawar am 10 ngakilomito pila', luntukon ra Tuhan.