YEHEZKIEL 48:21 - Tanou Moonsoi Timugon

^21-22 Tana' giu' ra tampilon kalasaan am sirangon intor ra tana' ondo' linuntuk koson Baloi ru Tuhan, tana' ru imam-imam no, tana' ru ulun ru Liwi am bandar no, iono longgom ru ulun manguasa' ondo' mamarinta. Giu' ra tampilon sirangon, tana' no malangka' saboi ra balitan ra sirangon, am giu' ra tampilon kalasaan saboi ra Raat Tanga', am ginio nambalit ra tana' ru Jiuda giu' ra ralayo, am tana' ru Binjamin giu' ra rabugus.

YEHEZKIEL 48:21 ပူးပေါင်းရင်းမြစ်များ

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

YEHEZKIEL 48:10

Imam-imam no makaalap ra santayaran intor ra intok ondo' matulai ti. Tayar nilo langka' no 12.5 ngakilomito intor ra sirangon mongoi ra kalasaan, am 5 ngakilomito intor ra ralayo mongoi ra rabugus. Baloi ru Tuhan musiti' baalon giu' ra tatanga' ru tayar ragitio.

YEHEZKIEL 48:8

Tayar ru tana' ondo' sumunu' no musiti' pasuayon koson pamakayan ra inaru'. Gawar no musiti' 12.5 ngakilomito intor ra balitan ralayo mongoi ra rabugus. Balitan ra sirangon am kalasaan musiti' mogondo' gawar no ra tayar-tayar ondo' pataakin ra bansa'-bansa' ra bokon. Baloi ru Tuhan baalon ra tayar ragitio.

YEHEZKIEL 37:24

Sangulun raja' koson ri Daut, ulipon Kuno, masauk ra raja' nilo. Pasimpungon Ku ilo ragana' ru sangulun manguasa' am totopot gumagaya' ilo ra ukum Kuno.

YEHEZKIEL 48:20

Titikop ru libung no, nakaaya' tana' ondo' linuntuk am tana' koson ra bandar, binaal apat persegi ondo' tuku' no 12.5 ngakilomito ra moonong kiing.