YEHEZKIEL 48:1 - Tanou Moonsoi Timugon

^1-7 Balitan giu' ra ralayo ru tana' no mongoi ra sirangon, tumalimpuun intor ra Raat Tanga' mongoi ra bandar Gitlon, ralan mongoi ra Ginting Gamat, bandar Inon, saboi ra balitan ru pamarintaan Damsyik am pamarintaan Gamat. Moonong bansa' ti musiti' mangapu ra santayaran tana' ondo' malangka' intor ra balitan ra sirangon mongoi ra kalasaan saboi ra Raat Tanga', ralalom ru pansunuan ragitio intor ra ralayo mongoi ra rabugus: Dan Asyir Naptali Manasi Ipraim Rubin Jiuda.

YEHEZKIEL 48:1 ပူးပေါင်းရင်းမြစ်များ

2 SAMUIL 24:2

Kopongo raginio panusub Raja' Daut ri Joab, panglima mangayou nano, “Ongoi no mabaya' ra ulun-ulun tutumula' muno ra ngaangai' bansa' ru Israil giu' ra titikop pagun koson mampaugar ra panguntaban. Moogot aku makapandai ra suang nilo.”

YEHEZKIEL 47:13

Indagu Tuhan Raja', “Ondo' sumunu' ti iono balitan ru tana' ondo' tinayar ra mopor am ruo bansa' ru Israil. Bansa' ri Jusup musiti' makaalap ruo tayar.

YEHEZKIEL 47:20

Balitan ralayo binaal ru Raat Tanga', am mongoi ra ralayo saboi ra rondo' intok giu' ra tampilon kalasaan ru Ginting Gamat.

YEHEZKIEL 47:23

Moonong ulun bansa' ru bokon ondo' nasauk ra mamagun ru pagun ti musiti' aniin ra tayar ru tana' mababaya' ra bansa' giu' ra intok inayanan nilo. Aku, Tuhan Raja', nakaindagu noyo.”

JOSUA 19:48

Ngaangai' bandar no am ngaangai' pekan nokosor ra wilayah ondo' inapu koson ra longgom ru ngaangai' sasambaloi ralalom bansa' ru Dan.