YEHEZKIEL 47:3 - Tanou Moonsoi Timugon

³ Namakai ra tataun tutuku' nano nanuku' ungkuyon no 500 ngamito mongoi ra tampilon sirangon, maya' ra aug ru sungoi no, am nanusub raki' maya' raginio. Timug no polos ra buntingol ru kalayam kuno.

YEHEZKIEL 47:3 ပူးပေါင်းရင်းမြစ်များ

YEHEZKIEL 40:3

Nagibit Io raki' ra giu' no am makito ku sangulun ungkuyon ondo' makasinda koson ra gangsa', minigor ra kulobon garabang. Ulun no tatanga' mampaguut ra kalat panuku' intor ra linon am niayuk rondo' tataun panuku'.

YEHEZKIEL 47:2

Ungkuyon no pana nagibit boo raki' mingkual intor ra libung Baloi ru Tuhan mansail ra kulobon garabang ralayo, am nangitang raki' mongoi ra kulobon garabang sirangon. Sungoi boborok no tumilis intor ra kiing ru rabugus ru kulobon garabang no.

YEHEZKIEL 47:4

Nanuku' io 500 ngamito poyo, am timug nano nakasaboi ra atur kuno. Nanuku' io 500 ngamito poyo, am timug no nakasaboi ra awak kuno.

JAKARIA 2:1

Ralalom ru pinaintalang ra sumunu' no, nakito ku sangulun ungkuyon ondo' nampaguut ra kalat panuku'.

JAKARIA 2:5

Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

LUKAS 24:49

Aku galama' mangator ramuyun ondo' binantu' ri Ama' i. Kaa' musiti' kau maginaa galing ra bandar ragitio saboi mokoowot kau ra kuasa' ti intor ri Aki Kapuuno', bagu mongoi kau pampatanou.”

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

PINAINTALANG 11:1

Anii' aku boo ra rondo' tataun tutuku' maawar am binalaan, “Ongoyo' noyo tukuo' tayar ru Baloi ri Aki Kapuuno' am altar no. Untobo' kula' suang ru ulun ondo' sumambayang ra giu' no.

PINAINTALANG 21:15

Malaikat ondo' minindagu raki' no nampaguut ra tutuku' binaal intor ra mas. Manuku' io ra bandar no, kulobon garabang am timbok no.