YEHEZKIEL 47:22 - Tanou Moonsoi Timugon

²² Tana' no longgom min ra sabubuoi no. Ulun bansa' ru bokon ondo' minayan ra gino ngai' min, ondo' naganak ra anak-anak giti ra pagun ti niayuk musiti' mangapu ra tayar paat tayaron min tana' no. Pamakuan risilo musiti' koson ra ulun mamagun ra pagun ru Israil, am musiti' mangundi' koson makaalap ra tayar ru tana' nilo mababaya' ra bansa' ru Israil ra bokon.

YEHEZKIEL 47:22 ပူးပေါင်းရင်းမြစ်များ

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

YEHEZKIEL 45:1

Paat ra tana' no tinayar ra moonong bansa', santayaran intor raginio musiti' pasuayon koson ra Tuhan. Gawar ru tana' no musiti' 12.5 ngakilomito, am pila' no 10 ngakilomito. Titikop ru intok no matulai.

YEHEZKIEL 47:21

Tayaro' tana' no ra bansa'-bansa' mino.

YEHEZKIEL 47:23

Moonong ulun bansa' ru bokon ondo' nasauk ra mamagun ru pagun ti musiti' aniin ra tayar ru tana' mababaya' ra bansa' giu' ra intok inayanan nilo. Aku, Tuhan Raja', nakaindagu noyo.”

YEHEZKIEL 48:29

Indagu Tuhan Raja', “Koson raginio noyo tana' no musiti' tayaron ra bansa'-bansa' Israil koson masauk ra longgom nilo.”

IMAMAT 19:34

Koonsoi kano risilo koson akau moonsoi ra ulun mino galama', am tagami' ilo koson akau mitotogom galama'. Karaa' ra nakaili' kau nagayan koson ra ulun bansa' ru bokon giu' ra pagun ru Misir. Aku noyo Tuhan i Aki Kapuuno' min.

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 15:9

I Aki Kapuuno' kalo manginggi' ra osoi ayuk pana; ulun ru Jaudi kia kapoam sala' ka Jaudi. Ampunon No niayuk tula nilai sabap ra mangintopot ilo.

ROMA 10:12

Sabap raino mogondo' ayuk ralan mamayag ra ulun ru Jaudi kapoam sala' ka Jaudi; i Aki Kapuuno' rondo' ayuk am Io no Tuhan ru ngaangai' am mauli' barakat Nano risilo ondo' makiindangan Riso.

IPISUS 3:6

Gitio io ti: Sabap ra Tanou Moonsoi no, ulun sala' ka Jaudi pana mokoowot ra barakat ri Aki Kapuuno' mabaya' ra ulun ru Jaudi. Ilo karuo ti masauk koson ra rondo' inan, koson ulun sala' ka Jaudi pana mokoowot ondo' binantu' ri Aki Kapuuno' mansail ra pasimpungan nilo ri Jisus Kristus.

SAGULION 10:19

Ginio ra musiti' motogom kau ra ulun bansa' ru bokon no sabap akau galama' nakaili' nasauk ra ulun bansa' ru bokon giu' ra Misir.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.