YEHEZKIEL 47:2 - Tanou Moonsoi Timugon

² Ungkuyon no pana nagibit boo raki' mingkual intor ra libung Baloi ru Tuhan mansail ra kulobon garabang ralayo, am nangitang raki' mongoi ra kulobon garabang sirangon. Sungoi boborok no tumilis intor ra kiing ru rabugus ru kulobon garabang no.

YEHEZKIEL 47:2 ပူးပေါင်းရင်းမြစ်များ

YEHEZKIEL 40:35

Pupus no nagibit ungkuyon no raki' ra kulobon garabang ralayo. Nanuku' io ra kulobon garabang no am nantutuku' ra kulobon-kulobon garabang ra bokon.

YEHEZKIEL 44:2

Indagu boo Tuhan raki', “Kulobon garabang ti magulayun naangaban am kalo maukab. Kolondo' sangulun pana makasubol raginio sabap ra Aku, Tuhan, i Aki Kapuuno' ru Israil, nansail noyo ra giu' no. Kulobon garabang no magulayun maangaban.

YEHEZKIEL 44:4

Ungkuyon no nagibit boo raki' ra saang Baloi ru Tuhan mansail ra kulobon garabang ralayo. Makakito Aku ra Baloi ru Tuhan liniputan ru sinda manguliat ondo' tatandu' ratangan ru Tuhan. Igulatur aku polos ra tana',

YEHEZKIEL 47:1

Nagibit ungkuyon no raki' sumaguli' ra kulobon subalan ra Baloi ru Tuhan. Nakito ku timug tumilis intor ra ragana' ru kulobon mongoi ra tampilon sirangon, koson ra Baloi ru Tuhan niayuk tumingkuang ra tampilon ra sirangon. Timug no tumilis intor ra ragana' ru guang ru kulobon Baloi ru Tuhan ra tampilon rabugus, mansail ra kiing ru rabugus ru altar.

YEHEZKIEL 47:3

Namakai ra tataun tutuku' nano nanuku' ungkuyon no 500 ngamito mongoi ra tampilon sirangon, maya' ra aug ru sungoi no, am nanusub raki' maya' raginio. Timug no polos ra buntingol ru kalayam kuno.