YEHEZKIEL 47:19 - Tanou Moonsoi Timugon

¹⁹ Balitan rabugus mongoi ra tampilon kalasaan rabugus, intor ra Tamar mongoi ra Taur ru Timug Kadis-Miriba, am mongoi ra kalasaan ralayo ra galur ru balitan ra pagun ru Misir, saboi ra Raat Tanga'.

YEHEZKIEL 47:19 ပူးပေါင်းရင်းမြစ်များ

YEHEZKIEL 48:28

Giu' ra tampilon rabugus ru tana' Gad mokoondo' balitan ondo' tumalimpuun intor ra bandar Tamar mongoi ra Taur ru timug Kadis-Miriba, am mongoi boo ra kalasaan rabugus ra gawar ru balitan ru pagun ru Misir saboi ra Raat Tanga'.

SAGULION 32:51

sabap ra akau ruo kalo giminagaya' Raki' giu' ra saang ru ulun ru Israil. Paat okou soroi maar ra taur ru timug Miriba, ondo' mamaar ra bandar Kadis giu' ra tana' kaagisan Jin, kalo nangurumat kou Raki' ra saang ru ulun ru Israil.

UNTABAN 34:5

Giu' no balitan no lumikou mongoi ra limayak giu' ra balitan ru pagun ru Misir, am mapupusan giu' ra Raat Tanga'.

UNTABAN 20:13

Kasaukan raginio nasauk giu' ra Miriba. Giu' no nambubutok ulun ru Israil ra saang ru Tuhan, am giu' no niayuk nanulu' Tuhan ra kuasa' Nano ondo' matulai ra ulun no.

JISAYA 27:12

Bulintok raginio, intor ra Sungoi Iprat saboi ra balitan ru pagun ru Misir, mampalulur Tuhan ra ulun Nano, koson ra ulun mapasuai ra gandum am apol.

MAZMUR 81:7

“Kinayang ku noyo sinaanan mino; am mapalabus ramuyun intor ra kandoi pajajalin.

JOSUA 12:3

nakasimpung niayuk Limayak Jordan, intor ra Tasik Galilia tampilon ra rabugus saboi ra Bit-Jisimot (giu' ra tampilon sirangon ru Raat Matoi) am rayus ra lonson toojo ru Gunung Pisga.

SAGULION 33:8

Intor ra bansa' ru Liwi, indagu io, “Iou Tuhan, pabalaa' noyo kasaga' Muno ralalom ru Urim am Tumim, ralalom ru ulun ru Liwi, ulipon Muno ondo' gumagaya'. Nangkinam Kou noyo risilo giu' ra Masa, am napainono' ra gagaya' nilo giu' ra taur ru timug Miriba.

UNTABAN 34:3

Tampilon ra rabugus ru balitan no tumalimpuun intor ra tana' kaagisan Jin am mansisil ra balitan ru Idom. Tampilon ra sirangon ru balitan no tumalimpuun intor ra pompor ru rabugus ru Raat Matoi.

1 RAJA'-RAJA' 8:65

Giu' ra Baloi ru Tuhan no niayuk, Raja' Salomo am ngaangai' ru ulun ru Israil mangiantak ra Mangkalukub ra Raun buoi tulu' ngoorou. Masuang kaga' ulun matong mangiantak ra pangiantakan no. Intor ilo ra libung ra kinagalur ru Ginting Gamat giu' ra ralayo am balitan ru pagun ru Misir giu' ra rabugus.

YEHEZKIEL 47:10

Intor ra Taur ru Timug In-Gidi saboi ra Taur ru Timug In-Iglaim, mokoondo' ra masuang ulun mangimpait manuug ra ralo giu' ra nagas no. Giu' ra ralalom ru timug no mokoondo' ngaangai' salinut ru papait koson ondo' soroi giu' ra Raat Tanga'.

YEHEZKIEL 47:15

Balitan giu' ra ralayo tumalimpuun intor ra Raat Tanga', am mongoi ra tampilon sirangon saboi ra bandar Gitlon, mongoi ra Ginting Gamat, mongoi ra bandar Jidad,

UNTABAN 20:1

Paat ra sila' kasaa', ngaangai' ulun ru Israil nakasaboi giu' ra tana' kaagisan Jin, am ilo pana pangkim giu' ra Kadis. Giu' no pinatayan am nampalabangan ri Miriam.

1 RAJA'-RAJA' 9:18

Baalat, Tamar giu' ra tana' kaagisan ru Jiuda,

2 TUNUNG RU BANSA' ISRAIL 20:2

Kukula' ngaulun sinusub minuma' ra Raja' Josapat am nambala' riso, “Pulalai mangayou ondo' maayo intor ra Idom minatong intor ra sandaup ru Raat Matoi koson mamulunsar rirun. Ginaau nilo noyo Gajajon-Tamar.” (Gajajon-Tamar iono inggalan ra bokon ru In-Gidi.)