YEHEZKIEL 47:18 - Tanou Moonsoi Timugon

¹⁸ Balitan giu' ra sirangon mongoi ra rabugus, intor ra rondo' intok lolot ru pamarintaan Damsyik am pamarintaan Gauran. Sungoi Jordan noyo balitan ru tana' Israil tampilon ra kalasaan, am Giliad tampilon ra sirangon, saboi ra bandar Tamar giu' ra nagas ru Raat Matoi.

YEHEZKIEL 47:18 ပူးပေါင်းရင်းမြစ်များ

KASAUKAN 13:10

Pulolowo' boo ri Lot liliut am kaimpal no titikop limayak Jordan saboi ra bandar Joar am makamasuang timug koson ra Taman ru Tuhan kapoam koson ra tana' ru Misir. (Ginio noyo baal ra io kalo poyo pinuso ru Tuhan bandar Sodom am Gomora.)

AYUP 40:23

Aug ru Sungoi Jordan ondo' maaug kalo malaa' io, timug ondo' makatiu' ra bulos nano umaan no ra guang mamaan.

TINGGANAI RU BANSA' 10:8

Buoi mopor am balu' ngambilor ilo nangimbolo' am nangulipon ra ulun ru Israil ondo' minayan giu' ra Giliad, iono giu' ra wilayah ru ulun ru Amori giu' ra tampilon sirangon ru Sungoi Jordan.

UNTABAN 32:1

Bansa' ru Rubin am bansa' ru Gad mokoondo' ra masuang bibiag tinambiag. Paat ilo nakakito ra mapara' bonsoi ru tana' Jaijir am Giliad ra intok panambiagan,

KASAUKAN 31:47

Inggalani' ri Laban nanunturan raginio Jigar Sagaduta, kaa' inggalani' poyo ri Jakub ra Galid.

KASAUKAN 31:23

Timungo' boo ri Laban ulun-ulun nano am pababaya' ilo nanunu' ri Jakub buoi katuluan am kasunu' no giu' ra libung ru kagunungan Giliad.

KASAUKAN 13:11

Pupus no nampili' i Lot ra ngaangai' limayak Jordan koson ra io galama' tatangan am ongoi io boo tampilon ra sirangon. Ginio noyo baal nilo ruo nantuliar.

KASAUKAN 37:25

Liliwa' ilo magakan, kakito nilo sampulalayan ulun ru Ismail ondo' mangkiralan intor ra Giliad mongoi ra pagun ru Misir. Unta nilono pinagaut ra apa' pampagamis ra akanon am salong.

UNTABAN 34:10

“Giu' ra sirangon, balitan no tumalimpuun intor ra Gajar-Inan mongoi ra Sipam.

JIRIMIA 50:19

Pasagulion Ku ulun ru Israil ra intok namagunan nilo. Mangakan ilo intor ra ampos ru tinanom ondo' timinuu' giu' ra Gunung Karmil am giu' ra libung Basan. Mangakan ilo maya' ra kasagaan nilo intor ra ampos ru tinanom ondo' timinuu' giu' ra wilayah Ipraim am Giliad.

YEHEZKIEL 47:16

mongoi ra Birota am Sibraim (bandar-bandar ondo' intok no lolot ru libung ru pamarintaan Damsyik am pamarintaan Gamat), am Tikon (bandar ondo' intok no giu' ra balitan ru pamarintaan Gauran).

JOIL 2:20

Painggaluron Ku pulalai ru gapu' ondo' minatong intor ra ralayo. Pagiruon Ku santayaran intor ra pulalai raginio giu' ra tana' kaagisan. Baris ra pagulu ru pulalai no pagiruon saboi malinjob giu' ra Raat Matoi, am baris ra tinaulian malinjob giu' ra Raat Tanga'. Gapu' ondo' minatoi masauk ra mootong. Pusoon Ku pulalai raginio sabap ra ngaangai' binaal nano ramuyun.