YEHEZKIEL 47:16 - Tanou Moonsoi Timugon

¹⁶ mongoi ra Birota am Sibraim (bandar-bandar ondo' intok no lolot ru libung ru pamarintaan Damsyik am pamarintaan Gamat), am Tikon (bandar ondo' intok no giu' ra balitan ru pamarintaan Gauran).

YEHEZKIEL 47:16 ပူးပေါင်းရင်းမြစ်များ

KASAUKAN 14:15

Giu' no tinayar ri Abram ulun-ulun nano ra kukula' ngantayaran am ongoyo' bulunsaro' paat ra rondom am kinala nilo. Inilou no ilo polos ra Goba tampilon ralayo ru bandar Damsyik.

2 SAMUIL 8:8

Nampagaau niayuk Raja' Daut ra masuang tambaga' intor ra Bita am Birotai, bandar-bandar ondo' ragili kinuasa' ru Raja' Gadadijir.

1 RAJA'-RAJA' 8:65

Giu' ra Baloi ru Tuhan no niayuk, Raja' Salomo am ngaangai' ru ulun ru Israil mangiantak ra Mangkalukub ra Raun buoi tulu' ngoorou. Masuang kaga' ulun matong mangiantak ra pangiantakan no. Intor ilo ra libung ra kinagalur ru Ginting Gamat giu' ra ralayo am balitan ru pagun ru Misir giu' ra rabugus.

1 TUNUNG RU BANSA' ISRAIL 18:5

Paat ra ulun ru Siria intor ra Damsyik nangator ra saujor koson mangindangan ra Raja' Gadadijir, Raja' Daut namulunsar ra saujor no am namatoi 20,000 ngaulun.

JISAYA 10:9

Kinala ku bandar Kalno am Karkimis, bandar Gamat am Arpad. Kinala ku bandar Samaria am Damsyik.

YEHEZKIEL 27:18

Mamagun ru Damsyik nambali ra kuliamos tinalan am ampos-ampos muno am binayaran ra wain intor ra Gilbon, bulu ru domba intor ra Sagar, am apa' pampagamis ra akanon.

YEHEZKIEL 47:17

Ginio ra balitan giu' ra ralayo tumalimpuun intor ra Raat Tanga' mongoi ra tampilon sirangon saboi ra bandar Inon; Damsyik am Gamat intok no giu' ra tampilon ralayo ru balitan no.

YEHEZKIEL 47:18

Balitan giu' ra sirangon mongoi ra rabugus, intor ra rondo' intok lolot ru pamarintaan Damsyik am pamarintaan Gauran. Sungoi Jordan noyo balitan ru tana' Israil tampilon ra kalasaan, am Giliad tampilon ra sirangon, saboi ra bandar Tamar giu' ra nagas ru Raat Matoi.

YEHEZKIEL 47:20

Balitan ralayo binaal ru Raat Tanga', am mongoi ra ralayo saboi ra rondo' intok giu' ra tampilon kalasaan ru Ginting Gamat.

YEHEZKIEL 48:1

Balitan giu' ra ralayo ru tana' no mongoi ra sirangon, tumalimpuun intor ra Raat Tanga' mongoi ra bandar Gitlon, ralan mongoi ra Ginting Gamat, bandar Inon, saboi ra balitan ru pamarintaan Damsyik am pamarintaan Gamat. Moonong bansa' ti musiti' mangapu ra santayaran tana' ondo' malangka' intor ra balitan ra sirangon mongoi ra kalasaan saboi ra Raat Tanga', ralalom ru pansunuan ragitio intor ra ralayo mongoi ra rabugus: Dan Asyir Naptali Manasi Ipraim Rubin Jiuda.

AMOS 6:14

Indagu Tuhan Ondo' Maayo Kaga' Kuasa', “Ulun ru Israil, mangator Aku ra saujor ru rondo' bansa' ra bokon koson manguasa' ra pagun min. Mangimbolo' ilo ramuyun, intor ra Ginting Gamat giu' ra ralayo saboi ra Limayak Araba giu' ra rabugus.”

JAKARIA 9:2

Gamat ondo' nambalit ra pagun Siria pana longgom ru Tuhan, koson niayuk ra bandar Tirus am Sidon am ra ngaangai' kapintaran ru mamagun nano.

UNTABAN 13:21

Ginio ra ongoi ilo ra tampilon ralayo am liniput tana' no, intor ra tana' kaagisan Jin tampilon ra rabugus saboi ra bandar Rigob, maar ra Ginting Gamat tampilon ra ralayo.

UNTABAN 34:8

am intor ra giu' mongoi ra Ginting Gamat, am rayus mongoi ra Jidad

RINALATAN 9:2

am nakitaak ra surat kuasa' koson patalangon ra tingganai ru baloi sambayangan ru ulun ru Jaudi giu' ra Damsyik. Koson ragino, amon ru makatuum io ra maamaya' ru Tuhan, ungkuyon kapoam ruandu', rokopon no am ibiton ilo ra Jirusalim.