YEHEZKIEL 47:14 - Tanou Moonsoi Timugon

¹⁴ Magibot Aku ra kinamatuaan min ra Aku nangani' risilo ra tana' ragitio. Ginio ra, tayaro' noyo tana' ti ra pogondoon ra akau po ngai'.

YEHEZKIEL 47:14 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

YEHEZKIEL 48:29

Indagu Tuhan Raja', “Koson raginio noyo tana' no musiti' tayaron ra bansa'-bansa' Israil koson masauk ra longgom nilo.”

YEHEZKIEL 20:42

Paat ra akau ibiton Ku muli' ra pagun ru Israil, tana' ondo' binantu' Kuno ra kinamatuaan min, bagu no makapandai kau ra Aku noyo Tuhan.

YEHEZKIEL 20:28

Inibit Ku ilo ra tana' ondo' binantu' Kuno, kaa' pakakito ilo ra bulur ondo' mangasawat am puun tataun masansam, nampataak ilo ra taak simbalui giu' ra intok-intok raginio. Napasingkual ilo ra sangit Kuno ra taak simbalui ondo' sinolob am wain ondo' pinataak nilo.

AMSAL 16:33

Ulun magugundi' koson mangulig ra kasagaan ri Aki Kapuuno', kaa' i Aki Kapuuno' galama' mangaru' ra taam nano.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

UNTABAN 14:30

Nambantu' Aku noyo ra mapaayan ramuyun ra tana' ti, kaa' kolondo' sangulun pana ramuyun mayan ra giu' no ondo' ak am i Kalib am i Josua.

UNTABAN 14:16

ra namatoi Kou ra ulun Muno giu' ra tana' kaagisan sabap ra kalo maalap Mu kaibit ilo ra tana' ondo' binantu' Mu noyo risilo.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 15:7

Indagu boo Tuhan ri Abram, “Aku noyo Tuhan ondo' nagibit noyo rirun mingkual intor ra Bandar Ur ra pagun ru Babilonia koson manaak rirun ra tana' ti am okou noyo tatangan.”

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

YEHEZKIEL 36:12

Ibiton Takamin, Israil ulun Kuno muli' maa' raginio makaayan kau poyo ra pagun no. Pagun no masauk ra longgom min, am masalok mangani' ra ampos nano maa' raginio anak-anak mino kalo matoi ra maitilan.

KAINGKUALAN 6:8

Magibit Aku ramuyun mongoi ra pagun ondo' binantu' Kuno ra ibot koson pataakon Ku ri Abragam, ri Isak am ri Jakub. Mapataak Aku ra tana' no ramuyun ra longgom min. Aku noyo Tuhan.’ ”