YEHEZKIEL 47:12 - Tanou Moonsoi Timugon

¹² Giu' ra karuruo tobo ru sungoi no tumuu' mansalinut puun kinawa'. Raun ru puun-puun tataun no kalo lumonot, am puun-puun tataun no kalo lumonggo' mangkawa'. Moonong sila' puun-puun tataun no mangkawa' ra ondo' bagu, sabap ra puun-puun tataun no tinimugan ru timug ondo' tumilis intor ra Baloi ru Tuhan. Kawa'-kawa' no masauk ra akanon am raun-raun no alapon ra tatapis.”

YEHEZKIEL 47:12 ပူးပေါင်းရင်းမြစ်များ

KASAUKAN 2:9

Napatuu' Io ra ngaangai' puun ondo' mongoonsoi am mapasalula' ra kawa' ondo' moonsoi. Giu' ra tatanga' ru Taman no mokoondo' puun ondo' tuminuu' ondo' mangani' ra bayag am puun ondo' mangani' ra kapandayan ra baal ondo' moonsoi am niayuk malaat.

AYUP 8:16

Ulun malaat tumuu' koson ra sakot ragana' ru mato ru orou, koson ra sakot ondo' timinuu' ra titikop ru taman.

MAZMUR 1:3

Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

MAZMUR 92:12

Makito ku pantula' kuno maala, am makaining ra golok ru ulun malaat ondo' mangayou raki'.

JISAYA 1:6

Intor ra ulu suku' ra pampalar ru kalayam, kolondo' sanganu pana batang ru inan mino moonsoi. Inan mino naliput ra lanit, ruruko, am pipilat, ondo' kalo poyo piniiran kapoam binangkos, kapoam tinapisan ra umau.

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JIRIMIA 17:8

Koson io ra puun tataun ondo' tumuu' giu' ra kiing ru sungoi ondo' kalo tumilis; bakat no gumawar saboi ra timug. Bulintok malasu' kalo malaa' io, sabap ra raun-raun nano masalok masansam; kabalu' pana malumpa' pagun ra tampio, kolondo' pagalabaan nano, sabap ra masalok io mangkawa'.

JIRIMIA 8:22

Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

YEHEZKIEL 47:7

Paat ra aku nakasaboi ra giu' no, nakito ku masuang kaga' puun tataun giu' ra karuruo tobo ru sungoi no.