YEHEZKIEL 46:2 - Tanou Moonsoi Timugon

² Ulun manguasa' sumubol intor ra liliut ra liwar mongoi ra intok maayo am migor ra sapapa' ru lugu' kulobon garabang no. Liliwa' raginio imam-imam no mampataak ra taak simbalui koson mapabansuk ra Tuhan am taak simbalui koson makibarakat ra Tuhan; iono taak-taak simbalui ondo' pataakin ru ulun manguasa'. Ulun manguasa' no musiti' migulatur am sumamba ra Tuhan giu' ra guang ru kulobon garabang no, am mingkual saguli'. Kulobon garabang no kalo angabin saboi ra rondom.

YEHEZKIEL 46:2 ပူးပေါင်းရင်းမြစ်များ

YEHEZKIEL 44:3

Raja' ayuk ondo' mamarinta makasubol ra giu' no koson mangakan ra akanon mapasau giu' ra saang Kuno. Musiti' io sumubol am mingkual mansail ra intok maayo giu' ra tampilon ralalom.”

YEHEZKIEL 46:8

Ulun manguasa' musiti' sumubol mansail ra intok maayo no am mingkual mansail ra ralan ra nogondo'.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

MATIUS 26:39

Ugar i Jisus inggalur koborok risilo am kubu ra tana' am pakiasi', “O Ama', amon ru maalap ayuk painggaluro' sangkir kaimbalaan ti intor Raki'! Kaa' pai' gagayaa' kitaakon Kuti, kaa' maya' ra kasagaan Muno Ama'.”

YEHEZKIEL 46:12

Amon ru ulun manguasa' moogot mangani' ra taak toojo ayuk ra Tuhan, ondo' taak simbalui koson mapabansuk ra guang ru Tuhan, kapoam taak simbalui koson makibarakat ra Tuhan, kulobon garabang sirangon ondo' mongoi ra liliut ralalom musiti' ukabon riso. Musiti' io mampataak ra taak simbalui no nogondo' koson ra binaal no paat ra orou Sabat, am kulobon garabang musiti' angabin saguli' malupus io mingkual.”

YEHEZKIEL 45:19

Imam pana musiti' mangalap ra raraa' intor ra taak simbalui koson mangampun ra tula no, am papiiron boo ginio ra lugu'-lugu' kulobon Baloi ru Tuhan, kaapat-apat pisuk ru altar, am lugu'-lugu' ru kulobon garabang ondo' mongoi ra liliut ralalom.

2 TUNUNG RU BANSA' ISRAIL 34:31

Minigor raja' giu' ra sapapa' ru lugu' ondo' timpokon ra raja', am nambaal ra nabantuan ra Tuhan ra gumagaya' io Riso, am sumugut ra ukum am niayuk susuban Nano ra sotopot ru guang am salibuor, am niayuk maya' ra ngaangai' rinagu ra nabantuan ondo' tinulisan giu' ra ralalom ru kitab no.

2 TUNUNG RU BANSA' ISRAIL 29:29

Kopongo raginio Raja' Gijkia am ngaangai' mamagun migulatur am samba ri Aki Kapuuno'.

2 TUNUNG RU BANSA' ISRAIL 23:13

Raja' Ruandu' Atalya nakakito ra raja' ondo' bagu, migor giu' ra kulobon sumubol ra Baloi ru Tuhan, intok io linantik, linimpuan ru pagawai-pagawai ru saujor am ulun manamput ra bujung. Ilo ngaangai' nagilakup am naansukan liliwa' nanamput ra bujung. Ulun-ulun mangkuli ra miujik giu' ra Baloi ru Tuhan nanumbaya' ra upacara no ra kuliamos miujik nilo. Raja' Ruandu' Atalya namparilak ra bayang nano sabap ra magalabo am siminangit. Golok io, “Mamparuung! Mamparuung!”

2 TUNUNG RU BANSA' ISRAIL 6:13

Nambaal noyo Raja' Salomo rondo' pentas intor ra gangsa' am pinabanta' no giu' ra tatanga' ru liliut no. Gayo no 2.2 ngamito persegi, am sawat no 1.3 ngamito. Giu' ra saang ru ngaangai' ulun ondo' minatong, nagaloi io ra rasawat ru pentas no am igulatur. Kopongo raginio kakato' no karuruo longon nano ra limbowon.)

1 TUNUNG RU BANSA' ISRAIL 17:16

Raja' Daut pana minumpos boo ra ralalom ru Kim ru Tuhan. Nanturung Raja' Daut am pakiasi', “Iou Tuhan i Aki Kapuuno', aku am sasambaloi kuno kalo maaya' mangapu ra ngaangai' moonsoi ondo' pinakito Muno raki' ra buoi ti.

1 TUNUNG RU BANSA' ISRAIL 9:18

Saboi orou raiti', ulun intor ra bansa' nilo pinangandoi koson magalung ra Kulobon Garabang Raja' giu' ra tampilon sirangon. Kalo poyo raginio nagalung ilo ra kulobon-kulobon garabang ondo' sumuku' ra pangkiman ru ulun ru Liwi.

YEHEZKIEL 40:19

Giu' no mokoondo' rondo' kulobon garabang ondo' intok no masawat poyo am ondo' tumingkuang ra liliut ralalom. Nanuku' ungkuyon no ra galur ru ruo kulobon garabang no; galur no 50 ngamito.

YEHEZKIEL 40:39

Giu' ra tampilon ra tingganai no mokoondo' apat mija', ruo tampilon ra pamiris am ruo tampilon ra kait. Giu' ra rasawat ru mija'-mija' no panimbaluyan ru ulun ra bibiag ondo' pataakon koson ra taak simbalui koson mapabansuk ra guang ru Tuhan, kapoam taak simbalui koson mangampun ra tula, kapoam taak simbalui koson mambayar ra kalubatan.