YEHEZKIEL 45:9 - Tanou Moonsoi Timugon

⁹ Indagu Tuhan Raja', “Akau ngaangai' ondo' mamarinta ra Israil, makatula kano ra nabuoi noyo. Langgai' pangimbalaan am binaal ondo' malaat. Baalo' ondo' motopot am matimpok. Totopot pai' boo pagiruo' ulun Kuno intor ra tana' nilo. Aku, Tuhan Raja' nakaindagu noyo ramuyun.

YEHEZKIEL 45:9 ပူးပေါင်းရင်းမြစ်များ

AYUP 20:19

sabap ra nangimbolo' ilo am nompoloso ra ulun musikin, am nampagaau ra baloi ondo' binaal ru ulun bokon.

AYUP 22:9

Sala' ka ayuk marara' kou mangindangan ra ruandu' napuor, kaa' okou niayuk nangimbolo' ra anak nailusan ra matuo.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 6:7

Koson taur ru timug mangingkual ayuk ra timug, koson niayuk ra bandar no manangampos ayuk ra kalaatan. Nokorongog Aku intor ra pangimbalaan am kapusaan ra bandar ti; nakakito Aku ra maruol am pilat ra giu' no.

YEHEZKIEL 44:6

“Balai' Israil, bansa' ra gumuor no, ra Aku, Tuhan Raja', marara' boo mompoloso risilo mambaal ra ondo' makauyuyu'.

YEHEZKIEL 7:11

Pampatayan nangkinibit ra masuang poyo kalaatan. Ngaangai' kalangkayaan, urumat am katulayan nilo lumiot.

YEHEZKIEL 7:23

Titikop pagun mataliajou; pagun natikop ra pampatayan, am bandar-bandar nototop ra kalaatan.

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

AMOS 5:24

Kaa', pirot kano maa' raginio katimpakan tumilis koson ra sungoi, am kabanisan ru guang tumilis koson ra timug ondo' kalo igondo' mapua'.

MIKA 2:9

Pinagiru' min ngaangai' ruandu' ru ulun Kuno intor ra baloi ondo' kasagaan nilo; ginaau min barakat Kuno ra sabuoi-buoi no intor ra lalaing-lalaing nilo.

MIKA 6:10

Giu' ra baloi ru ulun malaat mokoondo' ra rapu' ondo' noowot ra pamparuungan. Nampakai ilo ra tutuku' kalo motopot, rondo' baal ondo' kasisangan Kuno. Ulun ondo' mambaal raginio ukumin Kuno.

JAKARIA 7:9

“Paat ra galing i, nangani' Aku ra susuban ti ra ulun Kuno, ‘Akau musiti' mambaal ra matimpok, moonsoi guang am makaasi' ra ulun ru akau po ngai'.

JAKARIA 8:16

Gitio noyo baal ondo' musiti' min baalon: Amon ru mindagu kau, raguo' noyo ondo' motopot ra akau po ngai'. Pamatas no ra matimpok, pamatasan ondo' magibit ra kaansayan, giu' ra intok pangakiman.

LUKAS 3:14

Mokoondo' niayuk saujor nangkuot, “Ati kulaan ramon? Atan musiti' baalon mai?” Taam i Juanis, “Pai' kau pampagaau ra ruit ru osoi ayuk pana am pai' kau pangilalaa' ra ulun koson mangalap ra ruit nilo. Sama' noyo ra gaji' mino galama'!”

1 PITRUS 4:3

Paat ragili, kaayagan min koson niayuk ra ulun ondo' kalo poyo makaulig ra Tuhan. Kalo noyo moonsoi kiralan ru kaayagan min: Minaya' kau ra guang mansasawa', mangagauk, magiginum ra majanjayan saboi mokoondo' baal makauyuyu' masauk am poyo siminamba kau ra sinungkalalaing ondo' kasisangin ru Tuhan.