YEHEZKIEL 45:3 - Tanou Moonsoi Timugon

³ Sampiruo intor ra intok no, ondo' gawar no 12.5 ngakilomito am pila' no 5 ngakilomito, musiti' palilion ayuk koson Baloi ru Tuhan, intok ondo' matulai kaga'.

YEHEZKIEL 45:3 ပူးပေါင်းရင်းမြစ်များ

YEHEZKIEL 48:10

Imam-imam no makaalap ra santayaran intor ra intok ondo' matulai ti. Tayar nilo langka' no 12.5 ngakilomito intor ra sirangon mongoi ra kalasaan, am 5 ngakilomito intor ra ralayo mongoi ra rabugus. Baloi ru Tuhan musiti' baalon giu' ra tatanga' ru tayar ragitio.

YEHEZKIEL 45:2

Giu' ra intok no, sampila' tana' ondo' apat persegi musiti' palilion ayuk koson Baloi ru Tuhan. Tuku' ru moonong kiing ru tana' no musiti' 250 ngamito am maliputan ru intok marata' ra pila' no 25 ngamito.

YEHEZKIEL 45:4

Tana' no matulai am pataakin ra imam-imam ondo' maningganai ra sambayang giu' ra Baloi ru Tuhan. Baloi-baloi nilo am Baloi ru Tuhan musiti' baalon ra giu' no.

YEHEZKIEL 48:8

Tayar ru tana' ondo' sumunu' no musiti' pasuayon koson pamakayan ra inaru'. Gawar no musiti' 12.5 ngakilomito intor ra balitan ralayo mongoi ra rabugus. Balitan ra sirangon am kalasaan musiti' mogondo' gawar no ra tayar-tayar ondo' pataakin ra bansa'-bansa' ra bokon. Baloi ru Tuhan baalon ra tayar ragitio.

1 RAJA'-RAJA' 6:16

Rondo' lamin ondo' ininggalanan ra Lamin Matulai Kaga' binaal ra tampilon ra talikuron ru Baloi ru Tuhan. 9 ngamito gawar no, am linolot intor ra sulig saboi ra pinuusan no ra papan intor ra tataun sidar.