YEHEZKIEL 45:18 - Tanou Moonsoi Timugon

¹⁸ Indagu Tuhan Raja', “Paat ra orou kasaa', sila' kasaa', musiti' kau mamasau ra Baloi Kuno ra mampataak ra sanginan sapi' gawayan mamulok ondo' kalo najamaran.

YEHEZKIEL 45:18 ပူးပေါင်းရင်းမြစ်များ

KAINGKUALAN 12:2

“Bulan ragitio masauk ra bulan kasaa' tayar ru bilor ra kalendar min.

KAINGKUALAN 40:2

“Paat ra orou kasaa' ra sila' kasaa', baalo' min Kim Kuno.

YEHEZKIEL 43:19

Imam-imam papag ri Jadok intor ra bansa' ru Liwi ayuk iowon matong ra saang Kuno koson mangandoi Raki'. Aku, Tuhan Raja', nanusub ragitio. Mangani' kou risilo sanginan anak sapi' gawayan maa' raginio pataakon koson ra taak simbalui koson mangampun ra tula.

YEHEZKIEL 43:20

Mangalap kou kasanganu raraa' ru sinimbalui no am papiiro' ginio ra kaapat-apat sangau pisuk ru altar, am niayuk giu' ra pisuk-pisuk ra tatanga' no, am niayuk giu' ra liput ra kiing ru altar no. Koson raginio noyo okou namasau am patimpokon altar no.

YEHEZKIEL 43:22

Susuab no, musiti' kou mangalap sanginan kambing gawayan ondo' kalo najamaran, am pataakon ginio koson ra taak simbalui koson mangampun ra tula. Kapasawo' altar no ra raraa' ru kambing gawayan no koson ra ondo' binaal muno ra raraa' ru anak sapi' gawayan no.

YEHEZKIEL 43:23

Mopongo raginio alapo' sanginan anak sapi' gawayan am sanginan domba gawayan ondo' kalo najamaran,

YEHEZKIEL 43:26

Imam-imam no musiti' mamasau am manampos ra altar no buoi tulu' ngoorou.

YEHEZKIEL 45:20

Paat ra orou katulu', sila' raginio, musiti' kau mambaal koson raginio tayar ru osoi ayuk makatula ra kalo siningon kapoam ra kalo napandayan no. Koson raginio noyo ra akau magalung ra kapasawan ru Baloi Kuno.

YEHEZKIEL 46:1

Indagu Tuhan Raja', “Kulobon garabang sirangon ondo' tumingkuang ra liliut ralalom musiti' angabin buoi onom ngoorou mangandoi. Kaa' paat ra orou Sabat am Pangiantakan Sila' Bagu, kulobon garabang no musiti' ukabin.

IMAMAT 16:16

Kon ragitio noyo io nambaal ra upacara koson mapatulai ra Lamin Matulai Kaga' intor ra kajamalan ru ulun ru Israil am intor ra ngaangai' tula nilo. Musiti' io mambaal ra upacara ragitio tayar ru tampilon ra bokon no ra Kim ru Tuhan sabap ra Kim no soroi ra tatanga' ru pangkiman ondo' majamol.

IMAMAT 16:33

am mambaal ra upacara papatulayan ra Lamin Matulai Kaga', tampilon ra bokon ru Kim ru Tuhan, altar, imam-imam am ngaangai' ulun ru Israil.

IMAMAT 22:20

Amon ru mapataak ra bibiag ondo' najamaran, ginio kalo apuon ru Tuhan.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.