YEHEZKIEL 44:3 - Tanou Moonsoi Timugon

³ Raja' ayuk ondo' mamarinta makasubol ra giu' no koson mangakan ra akanon mapasau giu' ra saang Kuno. Musiti' io sumubol am mingkual mansail ra intok maayo giu' ra tampilon ralalom.”

YEHEZKIEL 44:3 ပူးပေါင်းရင်းမြစ်များ

YEHEZKIEL 46:2

Ulun manguasa' sumubol intor ra liliut ra liwar mongoi ra intok maayo am migor ra sapapa' ru lugu' kulobon garabang no. Liliwa' raginio imam-imam no mampataak ra taak simbalui koson mapabansuk ra Tuhan am taak simbalui koson makibarakat ra Tuhan; iono taak-taak simbalui ondo' pataakin ru ulun manguasa'. Ulun manguasa' no musiti' migulatur am sumamba ra Tuhan giu' ra guang ru kulobon garabang no, am mingkual saguli'. Kulobon garabang no kalo angabin saboi ra rondom.

YEHEZKIEL 37:25

Mamagun ilo ra pagun ondo' tinaakan Kuno ri Jakub, ulipon Kuno, giu' ra pagun inayanan ru kinamatuaan nilo. Ilo am papag nilo mayan ra giu' ra sabubuoi no. Sangulun raja' koson ri Daut, ulipon Kuno mamarinta risilo ra sabubuoi no.

YEHEZKIEL 34:24

Aku, Tuhan masauk ri Aki Kapuuno' nilo; am sangulun raja' koson ri Daut, ulipon Kuno masauk ra ulun manguasa' risilo. Aku, Tuhan nakaindagu noyo.

KASAUKAN 31:54

Io pana nanaak ri Aki Kapuuno' ra taak simbalui giu' ra gunung no. Piniau no niayuk ulun-ulun nano magakan mababaya' riso am pombolong ra gunung no.

PINAINTALANG 3:20

Iningo'! Migor Aku ra kulobon am manitik. Amon ru mokoondo' makaining ra bolos Kuno am mangukab ra kulobon no, mumpos Aku ra baloi nano am mangakan magulung riso, am mangakan io magulung Raki'.

2 TUNUNG RU BANSA' ISRAIL 34:31

Minigor raja' giu' ra sapapa' ru lugu' ondo' timpokon ra raja', am nambaal ra nabantuan ra Tuhan ra gumagaya' io Riso, am sumugut ra ukum am niayuk susuban Nano ra sotopot ru guang am salibuor, am niayuk maya' ra ngaangai' rinagu ra nabantuan ondo' tinulisan giu' ra ralalom ru kitab no.

JISAYA 62:9

Kaa' akau ondo' napatias am nangkumos ra gandum makasia' ra ampos nano am mongompor ra Tuhan. Akau nangupu' ra kawa' ru anggur makasia' ra wain giu' ra liliut ru Baloi Kuno.”

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

2 TUNUNG RU BANSA' ISRAIL 23:13

Raja' Ruandu' Atalya nakakito ra raja' ondo' bagu, migor giu' ra kulobon sumubol ra Baloi ru Tuhan, intok io linantik, linimpuan ru pagawai-pagawai ru saujor am ulun manamput ra bujung. Ilo ngaangai' nagilakup am naansukan liliwa' nanamput ra bujung. Ulun-ulun mangkuli ra miujik giu' ra Baloi ru Tuhan nanumbaya' ra upacara no ra kuliamos miujik nilo. Raja' Ruandu' Atalya namparilak ra bayang nano sabap ra magalabo am siminangit. Golok io, “Mamparuung! Mamparuung!”

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

YEHEZKIEL 46:12

Amon ru ulun manguasa' moogot mangani' ra taak toojo ayuk ra Tuhan, ondo' taak simbalui koson mapabansuk ra guang ru Tuhan, kapoam taak simbalui koson makibarakat ra Tuhan, kulobon garabang sirangon ondo' mongoi ra liliut ralalom musiti' ukabon riso. Musiti' io mampataak ra taak simbalui no nogondo' koson ra binaal no paat ra orou Sabat, am kulobon garabang musiti' angabin saguli' malupus io mingkual.”

2 RAJA'-RAJA' 16:18

Koson mangambi' ra guang ru raja' Asyur no, linungkib niayuk ru Raja' Agas pantas koson ra kurisi' ru raja' giu' ra Baloi ru Tuhan, am inangaban kulobon sumubol ra Baloi ru Tuhan ondo' subalan ru raja' ayuk.