YEHEZKIEL 43:6 - Tanou Moonsoi Timugon

⁶ Bigor ungkuyon no ra sapapa' kuno, am nokorongog aku ra Tuhan mindagu raki' intor ra ralalom Baloi ru Tuhan,

YEHEZKIEL 43:6 ပူးပေါင်းရင်းမြစ်များ

YEHEZKIEL 40:3

Nagibit Io raki' ra giu' no am makito ku sangulun ungkuyon ondo' makasinda koson ra gangsa', minigor ra kulobon garabang. Ulun no tatanga' mampaguut ra kalat panuku' intor ra linon am niayuk rondo' tataun panuku'.

PINAINTALANG 16:1

Pokorongog aku boo ra bolos mosongou intor ra Baloi Tuhan minindagu ra tulu' malaikat no, “Ugar no am pasasaro' suang ru sangkir ru sangit am ukum ri Aki Kapuuno' no ra tana'!”

JISAYA 66:6

Rongogo' noyo posogolos ralalom ru bandar. Bolos intor ra Baloi ru Tuhan no bolos ru Tuhan ondo' mangukum ra pantula'-pantula' Nano.

IMAMAT 1:1

Intor ralalom ru Kim ru Tuhan, pampiau Tuhan ri Musa am pangani' riso ra aturan.

YEHEZKIEL 1:26

Giu' ra tampak ru bakuran no poyo mokoondo' rondo' ondo' maimpal koson ra kurisi' turungan ondo' binaal intor ra batu nilam. Rondo' ondo' koson ra ulun manturung giu' ra rasawat ru kurisi' turungan no.

KAINGKUALAN 25:22

Tumuum Aku rirun ra giu' no. Intor ra rasawat ru panaub no, lolot ru ruo kirub no, mangani' Aku rirun ra ngaangai' ukum Kuno tayar ru ulun ru Israil.”

KAINGKUALAN 29:42

Koson ra mantilayun, taak simbalui koson mapabansuk ra guang Kuno musiti' pataakon ra saang Kuno giu' ra kulobon ru Kim Kuno. Giu' no tumuum Aku ra ulun Kuno am mindagu rirun.