YEHEZKIEL 41:22 - Tanou Moonsoi Timugon

²² altar tataun: sawat nano 1.5 ngamito, am pila' nano 1 ngamito. Pisuk, apin am kiing ru altar, ngaangai' binaal intor ra tataun. Indagu ungkuyon no raki', “Gitio noyo mija' ondo' pabantaan ra saang ru Tuhan.”

YEHEZKIEL 41:22 ပူးပေါင်းရင်းမြစ်များ

1 RAJA'-RAJA' 6:20

Lamin no ra 9 ngamito gawar no, 9 ngamito pila' no, am 9 ngamito sawat no, ngaangai' no inangkupan ra mas kopoyo. Altar giu' ra saang ru lamin no rinalimbawan ra papan intor ra tataun sidar.

1 RAJA'-RAJA' 6:22

Titikop ra tampilon ralalom ru Baloi ru Tuhan inangkupan ra mas. Koon raginio niayuk ra altar giu' ra Lamin Matulai Kaga'.

1 RAJA'-RAJA' 7:48

Raja' Salomo niayuk nanusub ra ulun mambaal ra kakamot mas koson ra Baloi ru Tuhan: Altar, mija' ru ruti' ondo' pataakon ri Aki Kapuuno',

2 TUNUNG RU BANSA' ISRAIL 4:19

Nanusub niayuk Raja' Salomo ra ulun mambaal ra kuliamos mas ra Baloi ru Tuhan: altar am mija' ru ruti' ondo' pataakon ri Aki Kapuuno';

KAINGKUALAN 25:23

Pambaal rondo' mija' intor ra tataun akasia; musiti' mija' no makagawar 88 ngasintimito, pila' no 44 ngasintimito am sawat no 66 ngasintimito.

KAINGKUALAN 30:8

Musiti' no baalon ondo' mogondo' paat ra io mansikit ra lampung no tampilon ra mai' ti. Musiti' taak kaminyan no rayuson baalo' ra sabuoi-buoi no.

AMSAL 9:2

Sanginan bibiag sinimbalui no bulintok mangiantak ra orou maayo, mangkutou io ra wain, am mapasulung ra akanon.

RIMBAI PANGAMPARAN 1:12

Bulintok ra raja' kuno giu' ra luyaan nano, maalok maamis owou ru narwastu kuno.

YEHEZKIEL 23:41

Manturung ilo giu' ra kurisi' maawar ondo' moonsoi, giu' ra saang ru mija' ondo' natikop ra akanon maamis, am kaminyan am niayuk umau jaitun ondo' pinataak Kuno risilo.

YEHEZKIEL 44:16

Ilo ayuk iowon sumubol ra ralalom ru Baloi Kuno, mangandoi giu' ra altar Kuno, am maningganai ra sambayang ra giu' no.

IMAMAT 24:6

Pabantaa' ruti'-ruti' no ra ruo ngatinting, onom ruti' ra moonong tinting, giu' ra rasawat ru mija' ondo' inangkupan ra mas kopoyo, ondo' pinabanta' giu' ralalom Kim ru Tuhan.

MALIAKI 1:12

Kaa' akau nagasab Raki' sabap ra minindagu ra altar Kuno kolondo' onong, am nampataak kau ra akanon ondo' kararain min giu' ra rasawat ru altar no.

MALIAKI 1:7

Ralan koson ragitio; Nampataak kau ra akanon ondo' kalo maaya' pataakon giu' ra rasawat ru altar Kuno. Kopongo raginio nangkuot kau, ‘Atan koson akai kalo mangurumat Rirun?’ Mambala' Aku toojo: Nagasab kau ra altar Kuno.

1 KORINTUS 10:21

Pai' kau panginum ra anggur intor ra sangkir ru Tuhan am niayuk manginum poyo ra atan ondo' nakapakan ra riwato no. Nogondo' niayuk ra akau pai' pangapu ra inan ri Kristus am niayuk mangakan poyo ra ondo' nakapakan ra riwato no.

PINAINTALANG 3:20

Iningo'! Migor Aku ra kulobon am manitik. Amon ru mokoondo' makaining ra bolos Kuno am mangukab ra kulobon no, mumpos Aku ra baloi nano am mangakan magulung riso, am mangakan io magulung Raki'.

PINAINTALANG 8:3

Kopongo ragili ratong malaikat ra bokon ondo' nagibit ra pambulian ra kaminyan ondo' binaal intor ra mas, am bigor io ra saang ru panalaban no. Inanian io ra kaminyan masuang koson polotokon ra pakiasian ru ulun ri Aki Kapuuno' no. Solobon no boo ginio ra panalaban ra kaminyan ondo' binaal intor ra mas ondo' soroi ra saang ru takhta no.