YEHEZKIEL 40:6 - Tanou Moonsoi Timugon

⁶ Kopongo raginio minongoi io ra kulobon garabang tumingkuang ra sirangon. Nagaloi io ra tukar ru kulobon garabang, am giu' ra rasawat ru tukar no nanuku' io ra tataun ru kulobon, pila' nano 3 ngamito.

YEHEZKIEL 40:6 ပူးပေါင်းရင်းမြစ်များ

YEHEZKIEL 43:1

Nagibit ungkuyon no raki' ra kulobon garabang ondo' tumingkuang tampilon ra sirangon.

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.

YEHEZKIEL 40:20

Ungkuyon no pana nanuku' boo ra kulobon garabang giu' ra tampilon ralayo ondo' tumingkuang ra liliut ra liwar.

YEHEZKIEL 11:1

Ambiluo ri Aki Kapuuno' nangkayang raki' am nagibit raki' ra kulobon garabang sirangon ra Baloi ru Tuhan. Giu' no nakakito aku ra ruo ngoopor am limo ngaulun ungkuyon nakaaya' i Jaajanya anak ri Ajur am i Pilatia anak ri Binaya, ruo ngaulun tingganai ru bansa'.

YEHEZKIEL 10:18

Kopongo raginio sinda manguliat ondo' tatandu' ratangan ru Tuhan, nangiruan ra kulobon subalan ra Baloi ru Tuhan am manding ra rasawat ru kirub-kirub no.

JIRIMIA 19:2

koson mababaya' mongoi ra Limayak Ginom mansail ra Kulobon Garabang Poto ru Rarapu'. Musiti' ku potonowon tanou Nano giu' ra intok raginio.

MAZMUR 84:10

Barakato' noyo raja' maino, iou Aki Kapuuno', raja' ra pinili' Muno.

NIGIMIA 3:29

I Jadok anak ri Imir nambaal ra tayar ru timbok ra tunggul no, iono ondo' saang ru baloi nano. I Simaya anak ri Sikania, magagalung ra Kulobon Garabang Sirangon, nambaal ra tayar ru timbok ra tunggul no.

1 TUNUNG RU BANSA' ISRAIL 9:24

Mokoondo' apat kulobon: rondo' giu' ralayo, rondo' giu' ra rabugus, rondo' giu' ra sirangon, am rondo' giu' ra kalasaan. Moonong kulobon mokoondo' sangulun tingganai ru magalung.

1 TUNUNG RU BANSA' ISRAIL 9:18

Saboi orou raiti', ulun intor ra bansa' nilo pinangandoi koson magalung ra Kulobon Garabang Raja' giu' ra tampilon sirangon. Kalo poyo raginio nagalung ilo ra kulobon-kulobon garabang ondo' sumuku' ra pangkiman ru ulun ru Liwi.

1 RAJA'-RAJA' 6:8

Kulobon tampilon ra tingkat kasaa' ru lamin pinasambil no binaal ra tampilon rabugus ru Baloi ru Tuhan, am tingkat-tingkat no pinatunggul ra tukar.

YEHEZKIEL 47:1

Nagibit ungkuyon no raki' sumaguli' ra kulobon subalan ra Baloi ru Tuhan. Nakito ku timug tumilis intor ra ragana' ru kulobon mongoi ra tampilon sirangon, koson ra Baloi ru Tuhan niayuk tumingkuang ra tampilon ra sirangon. Timug no tumilis intor ra ragana' ru guang ru kulobon Baloi ru Tuhan ra tampilon rabugus, mansail ra kiing ru rabugus ru altar.

YEHEZKIEL 46:12

Amon ru ulun manguasa' moogot mangani' ra taak toojo ayuk ra Tuhan, ondo' taak simbalui koson mapabansuk ra guang ru Tuhan, kapoam taak simbalui koson makibarakat ra Tuhan, kulobon garabang sirangon ondo' mongoi ra liliut ralalom musiti' ukabon riso. Musiti' io mampataak ra taak simbalui no nogondo' koson ra binaal no paat ra orou Sabat, am kulobon garabang musiti' angabin saguli' malupus io mingkual.”

YEHEZKIEL 44:1

Nagibit ungkuyon no raki' ra kulobon garabang ra liwar tampilon ra sirangon ra libung Baloi ru Tuhan. Kulobon garabang no naangaban.

YEHEZKIEL 43:8

Raja'-raja' nilo nambaal ra tataun pangiing am lugu' ru kulobon ra istana nilo giu' ra kiing ru kulobon am lugu' ru kulobon ra Baloi Kuno, saboi rondo' ayuk timbok nokololot risilo intor Raki'. Jinamalan nilo inggalan Kuno ondo' matulai ra ngaangai' binaal nilo ondo' makauyuyu'. Ginio ra namuso Aku risilo sabap ra siminangit Aku kaga'.

YEHEZKIEL 40:26

Tulu' tukar mongoi ra kulobon garabang rabugus no am mokoondo' niayuk tingganai ru lamin giu' ra pompor no ondo' tumingkuang ra liliut ra liwar Baloi ru Tuhan. Giu' ra timbok tampilon ralalom ondo' tumingkuang ra babayaan no mokoondo' inukir ra puun palma.

YEHEZKIEL 40:7

Giu' ra talikuron ru kulobon garabang no mokoondo' rondo' babayaan am talu lamin ru ulun magalung ra moonong kiing nano. Moonong lamin binaal apat persegi, moonong kiing gayo nano 3 ngamito am timbok pangkilolot ru lamin 2.5 ngamito kapal nano. Kopongo lamin-lamin ru ulun magalung no, babayaan ra gawar nano 3 ngamito poyo am sumuku' ra intok ra tingganai ondo' tumingkuang ra Baloi ru Tuhan.

YEHEZKIEL 40:5

Nakakito aku ra Baloi ru Tuhan ondo' liniputan ru timbok. Tinuku' ru ungkuyon no timbok no ra tataun panuku' ondo' gawar nano 3 ngamito. Sawat nano 3 ngamito, am kapal nano pana 3 ngamito.

YEHEZKIEL 40:22

Tingganai ru lamin, gigimpalan, am inukir ra puun palma nogondo' ra ondo' giu' ra kulobon garabang sirangon. Tulu' tukar mongoi ra kulobon garabang ralayo no am pompor no mokoondo' tingganai ru lamin ondo' tumingkuang ra liliut ra liwar ra Baloi ru Tuhan.

YEHEZKIEL 40:24

Ungkuyon no pana nagibit boo raki' ra tampilon rabugus. Giu' no nakakito akai ra rondo' poyo kulobon garabang. Nanuku' io ra timbok am tingganai ru lamin ra giu' no, ngaangai' no nogondo' gayo koson ra ondo' giu' ra kulobon garabang ra bokon.

YEHEZKIEL 41:16

binungaan ra tataun pangiing ra rinding no, intor ra sulig saboi ra gigimpalan. Gigimpalan no maalap siliin.

YEHEZKIEL 42:15

Kakai' nanuku' ra ralalom Baloi ru Tuhan, nagibit ungkuyon no raki' mingkual mansail ra kulobon garabang sirangon, am nanuku' ra intok tampilon ra liwar.

YEHEZKIEL 43:17

Tampilon ra tatanga' no niayuk binaal apat persegi, moonong kiing no pinantutuku' no 7 ngamito, am ondo' kiing no ra sawat 25 ngasintimito giu' ra pompor ra liwar no. (Pila' ru parit no 50 ngasintimito.) Tukar ru altar no giu' ra kiing tampilon ra sirangon.