YEHEZKIEL 40:49 - Tanou Moonsoi Timugon

⁴⁹ Tampilon ra tingganai no ra gawar nano 10 ngamito am pila' nano 6 ngamito. Ulun makasubol ra giu' no ra magaloi ra kukula' tukar. Giu' ra kulobon subalan mokoondo' ruo lugu', rondo' ra tampilon pamiris am rondo' ra tampilon kait.

YEHEZKIEL 40:49 ပူးပေါင်းရင်းမြစ်များ

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.

YEHEZKIEL 40:37

Tampilon ra tingganai ra giu' no tumingkuang ra liliut ra liwar, am inukir ra puun palma no mokoondo' ra timbok ondo' tumingkuang ra babayaan. Balu' tukar mongoi ra kulobon garabang no.

YEHEZKIEL 40:34

Tampilon ra tingganai no tumingkuang ra liliut ra liwar. Inukir ra puun palma mokoondo' ra timbok ondo' tumingkuang ra babayaan. Balu' tukar mongoi ra kulobon garabang no.

YEHEZKIEL 40:31

Tampilon ra tingganai no tumingkuang ra liliut ra liwar, am inukir ra puun palma mokoondo' ra timbok-timbok ondo' tumingkuang ra babayaan. Balu' tukar mongoi ra kulobon garabang no.

2 TUNUNG RU BANSA' ISRAIL 3:17

Lugu'-lugu' no tinolorog ra tampilon pamiris am kait ra kulobon ru Baloi ru Tuhan: ondo' tampilon ra rabugus ininggalanan ra Jakgin am ondo' tampilon ra ralayo ininggalanan ri Boas.

1 RAJA'-RAJA' 6:3

Lamin tampilon ra saang 4.5 ngamito gawar no, am 9 ngamito pila' no, maya' ra pila' ru Baloi no niayuk.