YEHEZKIEL 40:45 - Tanou Moonsoi Timugon

⁴⁵ Nambala' io raki' ra lamin ondo' tumingkuang ra rabugus tinampos ra tayar ru imam-imam ondo' mangandoi giu' ra Baloi ru Tuhan,

YEHEZKIEL 40:45 ပူးပေါင်းရင်းမြစ်များ

1 TUNUNG RU BANSA' ISRAIL 9:23

Intor raginio ilo am papag nilo linayun nasauk ra ulun magalung ra kulobon garabang ru Baloi ru Tuhan.

MAZMUR 134:1

Rimbai ru ratangan. Ibok, omporo' noyo Tuhan, akau ngaangai' ulipon ru Tuhan, ondo' mangandoi ra Baloi Nano bulintok molondom.

IMAMAT 8:35

Musiti' kau soroi giu' ra kulobon ru Kim ru Tuhan orou am rondom buoi tulu' ngoorou, koson mambaal ra atan ondo' nanusuban noyo ru Tuhan. Amon ru kalo matoi kau. Baal ragitio noyo ondo' nanusuban ru Tuhan.”

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.

YEHEZKIEL 8:5

Indagu i Aki Kapuuno' raki', “Okou ulun mapandai matoi, ilai' tampilon ra ralayo.” Aku pana nagilong, am nakito ku sinungkalalaing ondo' napasingkual ra sangit ri Aki Kapuuno' no mamaar ra altar giu' ra ralan sumubol ra kulobon garabang.

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

1 TUNUNG RU BANSA' ISRAIL 6:49

I Arun am papag nano pinangandoi monolob ra kaminyan, am mampataak ra taak simbalui ondo' solobon giu' ra rasawat ru altar. Ilo niayuk pinangandoi mampaugar ra ngaangai' upacara sambayang giu' ra Lamin Matulai Kaga' am mampataak ra taak-taak simbalui maa' raginio i Aki Kapuuno' mangampun ra tula ru ulun ru Israil. Ngaangai' ru kandoi no binaal nilo sumugut ra nanuluan ondo' tinaakan ri Musa, ulipon ri Aki Kapuuno'.

UNTABAN 18:5

Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

UNTABAN 3:38

I Musa, i Arun am anak-anak nano musiti' mangkim ra saang ru Kim ru Tuhan, tampilon ra sirangon. Mapaugar ilo ra sambayang giu' ralalom ru Lamin Matulai tayar ru ulun ru Israil. Ulun ra bokon ondo' kuminam mapaugar ra kandoi raginio musiti' ukumin ra matoi.

UNTABAN 3:32

Tingganai ru ulun ru Liwi iono i Iliajar anak ri imam Arun. Magalung i Iliajar ra ulun ondo' mapaugar ra kandoi giu' ra Lamin Matulai.

YEHEZKIEL 40:17

Nagibit ungkuyon no raki' nansail ra kulobon garabang minongoi ra liliut ra Baloi ru Tuhan. Giu' ra igig ru timbok ra liwar giu' ra liput ra Baloi ru Tuhan no binaal talu ngoopor ngalamin. Giu' ra saang ru lamin-lamin no mokoondo' intok inanian ra batu,

YEHEZKIEL 40:38

Giu' ra liliut ra liwar mokoondo' rondo' lamin pinatambil giu' ra tampilon ralalom ru kulobon garabang ralayo. Lamin ra pinatambil no mokoondo' rondo' kulobon ondo' mongoi ra tampilon ra tingganai ondo' tumingkuang ra liliut ra liwar. Giu' no pambaguan ru ulun ra bibiag ondo' sinimbalui koson ra taak simbalui mapabansuk ra guang ru Tuhan.

YEHEZKIEL 44:11

Iowon ilo mangandoi ra Baloi Kuno am magalung ra kulobon garabang am mambaal ra kandoi giu' ra ralalom Baloi Kuno. Iowon ilo manimbalui ra bibiag ondo' pataakon koson ra taak simbalui koson mapabansuk ra guang Kuno, am koson ra taak intor ra ulun, am musiti' ilo masalok mangindangan ra ulun.

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

YEHEZKIEL 45:4

Tana' no matulai am pataakin ra imam-imam ondo' maningganai ra sambayang giu' ra Baloi ru Tuhan. Baloi-baloi nilo am Baloi ru Tuhan musiti' baalon ra giu' no.