YEHEZKIEL 40:44 - Tanou Moonsoi Timugon

⁴⁴ Ungkuyon no pana nagibit boo raki' ra liliut ralalom. Giu' no mokoondo' ruo lamin, rondo' ra kiing ru kulobon garabang ralayo am tumingkuang ra rabugus, am rondo' poyo giu' ra kiing ru kulobon garabang rabugus am tumingkuang ra ralayo.

YEHEZKIEL 40:44 ပူးပေါင်းရင်းမြစ်များ

YEHEZKIEL 40:27

Giu' no niayuk mokoondo' rondo' kulobon garabang ondo' mongoi ra liliut ralalom. Nanuku' ungkuyon no ra galur ru ruo kulobon garabang no; galur no 50 ngamito.

YEHEZKIEL 40:23

Nantaluma' ra kulobon garabang ralayo, mokoondo' rondo' kulobon garabang ra bokon ondo' mongoi ra liliut ralalom, ondo' koson giu' ra tampilon sirangon. Nanuku' ungkuyon no ra galur ru ruo kulobon garabang no; galur no 50 ngamito.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

IPISUS 5:19

Moonsoi mindagu kau ra sangulun am bokon ra ragu Mazmur, rimbai mongompor ri Aki Kapuuno' am poyo rimbai Kristian. Rimbayo' noyo gitio ra Tuhan mabaya' ra guang makaansuk.

YEHEZKIEL 40:38

Giu' ra liliut ra liwar mokoondo' rondo' lamin pinatambil giu' ra tampilon ralalom ru kulobon garabang ralayo. Lamin ra pinatambil no mokoondo' rondo' kulobon ondo' mongoi ra tampilon ra tingganai ondo' tumingkuang ra liliut ra liwar. Giu' no pambaguan ru ulun ra bibiag ondo' sinimbalui koson ra taak simbalui mapabansuk ra guang ru Tuhan.

YEHEZKIEL 40:29

Lamin-lamin ru ulun magalung, tingganai ru lamin, am timbok-timbok tampilon ra ralalom, nantutuku' ra ondo' giu' ra kulobon garabang ra bokon. Lamin-lamin ra kulobon garabang ti mokoondo' niayuk ra gigimpalan. Gawar ru babayaan no 25 ngamito, am pila' no 12.5 ngamito.

YEHEZKIEL 40:17

Nagibit ungkuyon no raki' nansail ra kulobon garabang minongoi ra liliut ra Baloi ru Tuhan. Giu' ra igig ru timbok ra liwar giu' ra liput ra Baloi ru Tuhan no binaal talu ngoopor ngalamin. Giu' ra saang ru lamin-lamin no mokoondo' intok inanian ra batu,

YEHEZKIEL 40:10

Gayo ru lamin-lamin ru ulun magalung giu' ra kiing ru babayaan no nogogondo' ngaangai', am kapal ru timbok ru lamin pana mogondo'.

YEHEZKIEL 40:7

Giu' ra talikuron ru kulobon garabang no mokoondo' rondo' babayaan am talu lamin ru ulun magalung ra moonong kiing nano. Moonong lamin binaal apat persegi, moonong kiing gayo nano 3 ngamito am timbok pangkilolot ru lamin 2.5 ngamito kapal nano. Kopongo lamin-lamin ru ulun magalung no, babayaan ra gawar nano 3 ngamito poyo am sumuku' ra intok ra tingganai ondo' tumingkuang ra Baloi ru Tuhan.

YEHEZKIEL 40:43

Kiing ru mija'-mija' no mokoondo' pinakiing ra pila' no 75 ngamilimito. Ngaangai' kual ondo' pataakon pabantaan ra rasawat ru mija'-mija' no.