YEHEZKIEL 40:43 - Tanou Moonsoi Timugon

⁴³ Kiing ru mija'-mija' no mokoondo' pinakiing ra pila' no 75 ngamilimito. Ngaangai' kual ondo' pataakon pabantaan ra rasawat ru mija'-mija' no.

YEHEZKIEL 40:43 ပူးပေါင်းရင်းမြစ်များ

IMAMAT 8:20

Puputulo' no domba gawayan no, kalabuat am paa ru domba no binaguan ra timug. Solobo' no boo ulu, lomok am suwo ru domba gawayan no giu' ra rasawat ru altar, koson ra nanusuban ru Tuhan. Taak simbalui koson mapabansuk ra guang ru Tuhan ti iono taak akanon, am owou no mapabansuk ra guang ru Tuhan.

IMAMAT 1:8

musiti' nilo pabantaan tinata'-tinata' ra sapi' no ra rasawat ru apui, makaaya' niayuk ulu am lomok no.

IMAMAT 1:6

Musiti' boo sapi' no anitin ru ulun no ra kungkung am tataan.

YEHEZKIEL 40:42

Apat mija' giu' ra ralalom ru lamin no, ondo' pakayon koson momongo kalalair ra taak simbalui koson mapabansuk ra guang ru Tuhan, binaal intor ra batu ondo' pinaat. Sawat no 50 ngasintimito, am tampilon ra rasawat no 75 ngasintimito gayo no. Ngaangai' kuliamos ondo' pakayon koson manimbalui ra bibiag pabantaan ra rasawat ru mija'-mija' no.

YEHEZKIEL 40:44

Ungkuyon no pana nagibit boo raki' ra liliut ralalom. Giu' no mokoondo' ruo lamin, rondo' ra kiing ru kulobon garabang ralayo am tumingkuang ra rabugus, am rondo' poyo giu' ra kiing ru kulobon garabang rabugus am tumingkuang ra ralayo.