YEHEZKIEL 40:29 - Tanou Moonsoi Timugon

^29-30 Lamin-lamin ru ulun magalung, tingganai ru lamin, am timbok-timbok tampilon ra ralalom, nantutuku' ra ondo' giu' ra kulobon garabang ra bokon. Lamin-lamin ra kulobon garabang ti mokoondo' niayuk ra gigimpalan. Gawar ru babayaan no 25 ngamito, am pila' no 12.5 ngamito.

YEHEZKIEL 40:29 ပူးပေါင်းရင်းမြစ်များ

YEHEZKIEL 40:25

Lamin-lamin ra giu' no mokoondo' ra gigimpalan ondo' nogondo' koson ra ondo' giu' ra kulobon garabang ra bokon. Gawar ru babayaan ra kulobon garabang no 25 ngamito, am pila' no 12.5 ngamito.

YEHEZKIEL 40:16

Giu' ra timbok tampilon ra liwar am timbok pangkilolot ru ngaangai' lamin no mokoondo' ra gigimpalan ondo' boborok. Giu' ra timbok tampilon ra ralalom ondo' tumingkuang ra babayaan no mokoondo' inukir ra puun palma.

YEHEZKIEL 40:7

Giu' ra talikuron ru kulobon garabang no mokoondo' rondo' babayaan am talu lamin ru ulun magalung ra moonong kiing nano. Moonong lamin binaal apat persegi, moonong kiing gayo nano 3 ngamito am timbok pangkilolot ru lamin 2.5 ngamito kapal nano. Kopongo lamin-lamin ru ulun magalung no, babayaan ra gawar nano 3 ngamito poyo am sumuku' ra intok ra tingganai ondo' tumingkuang ra Baloi ru Tuhan.

YEHEZKIEL 40:10

Gayo ru lamin-lamin ru ulun magalung giu' ra kiing ru babayaan no nogogondo' ngaangai', am kapal ru timbok ru lamin pana mogondo'.

YEHEZKIEL 40:12

Giu' ra saang ru moonong lamin ru ulun magalung no mokoondo' ra timbok ondo' magana'; sawat no 0.5 ngamito, am kapal no 0.5 ngamito niayuk. Ngaangai' ru lamin no 3 ngamito gayo no.

JIRIMIA 36:10

Liliwa' ru ngaangai' ulun mangkirongog, i Baruk pana nambasa' boo ra naskhah rinulun ondo' mokoondo' ra ngaangai' ondo' rinagu kuli. Binasa' no ginio giu' ra Baloi ru Tuhan, giu' ra lamin ri Gimarya anak ri Sapan, mamamatik ru pagun. Lamin nano giu' ra liliut tampilon rasawat, mamaar ra Kulobon Garabang Bagu giu' ra Baloi ru Tuhan.

NIGIMIA 13:9

Aku pana nanusub boo maa' raginio upacara pamasawan baalon tayar ru lamin-lamin no. Kopongo raginio nanusub aku ra ulun nampasaguli' ra ngaangai' kuliamos Baloi ru Tuhan, taak ra unor-unor am kaminyan ra lamin-lamin no.

NIGIMIA 13:5

Nangiou i Ilyasib ri Tobia mamakai ra rondo' lamin maayo, ondo' sotopot no alapon ayuk koson pambulian ra papataakan unor-unor am kaminyan, kuliamos ondo' pakayon giu' ra Baloi ru Tuhan, papataakan tayar ru imam, papataakan sampiopor intor ra unor-unor, wain am umau jaitun tayar ra ulun ru Liwi, ulun mangkukuli ra miujik giu' ra Baloi ru Tuhan am ulun magalung ra Baloi ru Tuhan.

2 TUNUNG RU BANSA' ISRAIL 31:11

Sumugut ra susuban ru raja', tinampos nilo intok-intok pambulian giu' ra liliut Baloi ru Tuhan,

YEHEZKIEL 40:33

Lamin-lamin ru ulun magalung am tampilon ra tingganai no mokoondo' ra gigimpalan. Gawar ru babayaan ra kulobon garabang no 25 ngamito, am pila' no 12.5 ngamito.

YEHEZKIEL 40:36

Koson ra bokon no, kulobon garabang ti niayuk mokoondo' ra lamin-lamin ru ulun magalung, timbok-timbok tampilon ralalom, tampilon ra tingganai, am gigimpalan. Gawar ru babayaan ra kulobon garabang no 25 ngamito, am pila' nano 12.5 ngamito.

1 RAJA'-RAJA' 7:4

Giu' ra rinding tampilon ra kait am pamiris ru dewan mokoondo' kukula' ngantulus gigimpalan: talu ngantulus ra sarindingan ondo' nantaluma' ra talu ngantulus ra rinding ra bokon. Baluntur ru kulobon am gigimpalan no segiempat bujur baal no.