YEHEZKIEL 40:22 - Tanou Moonsoi Timugon

²² Tingganai ru lamin, gigimpalan, am inukir ra puun palma nogondo' ra ondo' giu' ra kulobon garabang sirangon. Tulu' tukar mongoi ra kulobon garabang ralayo no am pompor no mokoondo' tingganai ru lamin ondo' tumingkuang ra liliut ra liwar ra Baloi ru Tuhan.

YEHEZKIEL 40:22 ပူးပေါင်းရင်းမြစ်များ

YEHEZKIEL 40:37

Tampilon ra tingganai ra giu' no tumingkuang ra liliut ra liwar, am inukir ra puun palma no mokoondo' ra timbok ondo' tumingkuang ra babayaan. Balu' tukar mongoi ra kulobon garabang no.

YEHEZKIEL 40:31

Tampilon ra tingganai no tumingkuang ra liliut ra liwar, am inukir ra puun palma mokoondo' ra timbok-timbok ondo' tumingkuang ra babayaan. Balu' tukar mongoi ra kulobon garabang no.

YEHEZKIEL 40:49

Tampilon ra tingganai no ra gawar nano 10 ngamito am pila' nano 6 ngamito. Ulun makasubol ra giu' no ra magaloi ra kukula' tukar. Giu' ra kulobon subalan mokoondo' ruo lugu', rondo' ra tampilon pamiris am rondo' ra tampilon kait.

YEHEZKIEL 40:16

Giu' ra timbok tampilon ra liwar am timbok pangkilolot ru ngaangai' lamin no mokoondo' ra gigimpalan ondo' boborok. Giu' ra timbok tampilon ra ralalom ondo' tumingkuang ra babayaan no mokoondo' inukir ra puun palma.

YEHEZKIEL 40:6

Kopongo raginio minongoi io ra kulobon garabang tumingkuang ra sirangon. Nagaloi io ra tukar ru kulobon garabang, am giu' ra rasawat ru tukar no nanuku' io ra tataun ru kulobon, pila' nano 3 ngamito.

YEHEZKIEL 40:34

Tampilon ra tingganai no tumingkuang ra liliut ra liwar. Inukir ra puun palma mokoondo' ra timbok ondo' tumingkuang ra babayaan. Balu' tukar mongoi ra kulobon garabang no.

YEHEZKIEL 40:26

Tulu' tukar mongoi ra kulobon garabang rabugus no am mokoondo' niayuk tingganai ru lamin giu' ra pompor no ondo' tumingkuang ra liliut ra liwar Baloi ru Tuhan. Giu' ra timbok tampilon ralalom ondo' tumingkuang ra babayaan no mokoondo' inukir ra puun palma.

PINAINTALANG 7:9

Kopongo raginio, kakito ku poyo rondo' tinimungan ru ulun masuang ondo' kalo maalap ra untob ru osoi ayuk pana! Ilo ti intor ra ngaangai' bansa', papag, pagun am ragu. Am minigor ilo ra saang ru Io ondo' nanturung ra takhta am ra Anak Domba no. Nambayang ilo ra sukub ra mapulak am nampaguut ra raun palma.

IBRANI 6:1

Ginio ra, tatango' takau noyo puun ru pangilaan Kristian no am sumingkot poyo ra pangilaan malandom. Pai' takano ruli'-ruli' makiila' poyo ra puun pangilaan, koson tumalikur intor ra baal ra kolondo' onong, mangintopot ri Aki Kapuuno',

2 TUNUNG RU BANSA' ISRAIL 3:5

Lamin maatang no linapisan ra tataun sidar, am inangkupan poyo ra mas kopoyo toojo. Ginio ra lapisan ru mas no mokoondo' ra ukiran ru puun-puun tataun palma am tinayung ra rantai.

1 RAJA'-RAJA' 7:36

Ngaangai' ru susungka' no am papan no mokoondo' ra ukiran ru gambar kirub, singa' am puun tataun palma giu' ra ngaangai' intok ondo' maalap ra ukir, am niayuk binungaan ra ukiran pinaujak busak ra pinangkikiting ra liput no.

1 RAJA'-RAJA' 6:35

Angob-angob ru kulobon no binungaan ra gambar kirub, puun tataun palma, am busak minungkalar. Ngaangai' no inangkupan ra mas.

1 RAJA'-RAJA' 6:32

Angob-angob ru kulobon no binungaan ra gambar kirub, puun tataun palma am busak minungkalar. Angob ru kulobon, kirub am puun tataun ru palma inangkupan ngaangai' no ra mas.

1 RAJA'-RAJA' 6:29

Titikop rinding tampilon ra ralalom ru Baloi ru Tuhan no binungaan ra gambar kirub, puun tataun palma am busak minungkalar.

YEHEZKIEL 40:25

Lamin-lamin ra giu' no mokoondo' ra gigimpalan ondo' nogondo' koson ra ondo' giu' ra kulobon garabang ra bokon. Gawar ru babayaan ra kulobon garabang no 25 ngamito, am pila' no 12.5 ngamito.

YEHEZKIEL 40:29

Lamin-lamin ru ulun magalung, tingganai ru lamin, am timbok-timbok tampilon ra ralalom, nantutuku' ra ondo' giu' ra kulobon garabang ra bokon. Lamin-lamin ra kulobon garabang ti mokoondo' niayuk ra gigimpalan. Gawar ru babayaan no 25 ngamito, am pila' no 12.5 ngamito.

1 RAJA'-RAJA' 7:4

Giu' ra rinding tampilon ra kait am pamiris ru dewan mokoondo' kukula' ngantulus gigimpalan: talu ngantulus ra sarindingan ondo' nantaluma' ra talu ngantulus ra rinding ra bokon. Baluntur ru kulobon am gigimpalan no segiempat bujur baal no.