YEHEZKIEL 40:2 - Tanou Moonsoi Timugon

² Ralalom ru rondo' pinaintalang, nagibit i Aki Kapuuno' raki' ra pagun ru Israil am napaayan raki' ra rasawat ru gunung ondo' masawat. Giu' ra saang kuno, makito baloi-baloi masawat ondo' natilu ra rondo' bandar.

YEHEZKIEL 40:2 ပူးပေါင်းရင်းမြစ်များ

1 TUNUNG RU BANSA' ISRAIL 28:12

Nampataak Raja' Daut ri Salomo ra ngaangai' pelan ondo' ginuang nano, iono pelan ru liliut-liliut am lamin-lamin ra liliut nano, am pelan ru gudang-gudang ru kuliamos ru Baloi ru Tuhan, am niayuk pelan ru gudang-gudang pambulian ra ondo' pinataak ra Tuhan.

1 TUNUNG RU BANSA' ISRAIL 28:19

Kopongo raginio Raja' Daut minindagu, “Ngaangai' no nakasuang ra ralalom ru inatangan ondo' tinulisan sumugut ra panuluan ondo' tinaakan ru Tuhan galama' raki' koson paugaron.”

MAZMUR 48:2

Matulai toojo Tuhan am omporon giu' ra bandar ri Aki Kapuuno' takau, ra tampak ru bulur Nano ondo' matulai.

JISAYA 14:13

Gumogot kou magaloi ra limbowon am mapauli ra panturungan muno ra rasawat ru butitin-butitin ondo' masawat kaga'. Pangkaraan muno makaturung kou koson ra raja' ra rasawat ru gunung giu' ra ralayo, intok timungan ru dewa-dewa.

JISAYA 48:2

Kaa' mangiou am maansukan kau ra akau namagun ra bandar ondo' mapasau, am akau sumingkayut ayuk ri Aki Kapuuno' ru Israil, ondo' sabiton ra Tuhan Ondo' Maayo Kaga' Kuasa'.

YEHEZKIEL 1:1

Paat orou kalimo ra sila' kaapat ralalom ru bilor katalu ngoopor, aku Imam Yehezkiel anak ri Busi, soroi giu' ra kiing ru Sungoi Kibar ra Babilonia nababaya' ra ulun ru Jaudi ra pinatiran. Bulintok raginio limbowon naukab am nakaalap aku ra rondo' pinaintalang intor ri Aki Kapuuno'. (

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

YEHEZKIEL 37:22

Saukon Ku ilo rondo' bansa' giu' ra tana' raginio, giu' ra kagunungan ru Israil. Sangulun raja' mamarinta risilo am kalo boo mantuliar ra ruo bansa' kapoam ruo pamarintaan.

YEHEZKIEL 41:1

Ungkuyon no pana nagibit poyo boo raki' ra lamin kasaa', iono Lamin Matulai. Nanuku' io ra babayaan mongoi ra giu': gawar nano 3 ngamito

YEHEZKIEL 43:12

Gitio noyo ukum kasaa' intor ra Baloi ru Tuhan: Titikop intok giu' ra libung nano giu' ra tampak ru gunung no matulai kaga'.”

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

DANIL 7:1

Paat ra sarandaman, ra bilor kasaa' ra pamarintaan ru Raja' Bilsyajar koson ra raja' ru Babilonia, naginupi aku am nakaalap rondo' pinaintalang. Tinulisan ku inupi no am gitio noyo

DANIL 7:7

Tatanga' aku magilong, bibiag kaapat poyo siminalula'. Bibiag no maikang kaga', masangit am makalalaa'. Ripon basi' nano ondo' maayo, bibiag no manutuk ra ondo' akanon nano, am kikinjangin no. Nansuai ra bibiag-bibiag ra kalo poyo ginio, bibiag no mokoondo' mopor sangau.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

RINALATAN 16:9

Rondom ragili, nakakito i Paulus ra pagilangan; mokoondo' sangulun Makidonia minigor ra saang nali am mangkimait, kono, “Sandaup kano ra giti am indangano' akai!”

RINALATAN 2:17

Kon ri Aki Kapuuno', ‘Paat ra orou pupus pataakon Ku Ambiluo Kuno ra ngaangai' ulun. Ginio ra anak ungkuyon am ruandu' mino mampasaboi ra bala' intor Raki'; Tuu'-bagu mino makakito ra baal ondo' pakitonon Kuno risilo, am matutuo mino maginupi ra baal ondo' paintalangon Kuno risilo.

GALATIA 4:26

Kaa' bandar Jirusalim ondo' popogondoon ra suruga' kalo inulipon, am io noyo koson ra ina' takau.