YEHEZKIEL 40:17 - Tanou Moonsoi Timugon

¹⁷ Nagibit ungkuyon no raki' nansail ra kulobon garabang minongoi ra liliut ra Baloi ru Tuhan. Giu' ra igig ru timbok ra liwar giu' ra liput ra Baloi ru Tuhan no binaal talu ngoopor ngalamin. Giu' ra saang ru lamin-lamin no mokoondo' intok inanian ra batu,

YEHEZKIEL 40:17 ပူးပေါင်းရင်းမြစ်များ

PINAINTALANG 11:2

Kaa' pai' tukuo' liliut ru Baloi Tuhan no, sabap ra tayar raginio tinaakan noyo ra ulun-ulun sala' ka Jaudi. Kikinjangin nilo Bandar Mapasau no buoi apat ngoopor am ruo ngambulan.

YEHEZKIEL 42:1

Ungkuyon no pana nagibit boo raki' ra liliut ra liwar, am nangitang raki' mongoi ra rondo' baloi maayo tampilon ralayo Baloi ru Tuhan, kalo maalur intor ra baloi maayo tampilon ra kalasaan Baloi ru Tuhan.

YEHEZKIEL 46:21

Kopongo raginio nagibit io raki' mongoi ra liliut ra liwar, am nampakito io raki' ra giu' ra moonong pisuk mokoondo' poyo liliut ondo' boborok: gawar no 20 ngamito am pila' no 15 ngamito.

YEHEZKIEL 45:5

Sampiruo poyo ra intok no musiti' pataakin koson ra tungkus ra ulun ru Liwi ondo' mangandoi giu' ra Baloi ru Tuhan. Tayar raginio masauk ra bandar-bandar intok ayanan nilo.

YEHEZKIEL 10:5

Bolos ru kawo ru kirub-kirub no morongog saboi ra liliut ra liwar. Bolos no koson ra bolos ri Aki Kapuuno' Ondo' Maayo Kaga' Kuasa'.

2 TUNUNG RU BANSA' ISRAIL 31:11

Sumugut ra susuban ru raja', tinampos nilo intok-intok pambulian giu' ra liliut Baloi ru Tuhan,

1 TUNUNG RU BANSA' ISRAIL 23:28

Musiti' ilo mangindangan ra imam-imam papag ri Arun ralalom kandoi upacara sambayang giu' ra Baloi ru Tuhan, magalung ra liliut am lamin giu' ra Baloi ru Tuhan, am niayuk magalung ra ngaangai' ondo' pinatimpok noyo ra Tuhan maa' raginio kalo masauk ra majamol.

1 TUNUNG RU BANSA' ISRAIL 9:26

Kaapat-apat tingganai ru magalung no ulun ru Liwi, am ilo nangandoi ra nasisir. Ilo pinalansan manalingapu ra lamin-lamin giu' ra Baloi ru Tuhan am kuliamos ondo' binulian ra giu' no.

YEHEZKIEL 42:4

Giu' ra tampilon ralayo ru baloi maayo no mokoondo' rondo' babayaan; pila' no 5 ngamito am gawar nano 50 ngamito. Kulobon-kulobon ru baloi maayo no tumingkuang ra tampilon ralayo.

YEHEZKIEL 41:6

Lamin-lamin no mokoondo' talu ngatampas am moonong satampas mokoondo' talu ngoopor ngalamin. Timbok ra liwar ru moonong satampas malilis poyo intor ra timbok ru satampas giu' ra ragana' no, saboi lamin no naalap kabaal ra kalo pinatunggul ginio ra timbok Baloi ru Tuhan.

YEHEZKIEL 40:38

Giu' ra liliut ra liwar mokoondo' rondo' lamin pinatambil giu' ra tampilon ralalom ru kulobon garabang ralayo. Lamin ra pinatambil no mokoondo' rondo' kulobon ondo' mongoi ra tampilon ra tingganai ondo' tumingkuang ra liliut ra liwar. Giu' no pambaguan ru ulun ra bibiag ondo' sinimbalui koson ra taak simbalui mapabansuk ra guang ru Tuhan.

2 RAJA'-RAJA' 23:11

Namatir niayuk Raja' Josia ra ngaangai' kuda ondo' timpokon ra raja'-raja' ru Jiuda koson sumamba ra mato ru orou. Nonolob io ra ngaangai' kurita' kuda ondo' pakayon koson sumamba ra mato ru orou. (Kuliamos-kuliamos raginio binulian giu' ra liliut Baloi ru Tuhan, mamaar ra kulobon garabang, kalo maalur intor ra intok inayanan ri Natan Milik, sangulun pagawai maatang.)

1 RAJA'-RAJA' 6:5

Timbok tampilon ra liwar, iono tampilon ra kait, pamiris am talikuron ru Baloi ru Tuhan, binaal lamin-lamin ondo' tiningkat talu. Moonong satingkat 2.2 ngamito sawat no.

YEHEZKIEL 40:18

ondo' lumiput ra liliut no. Liliut ra liwar ti intok no magana' intor ra liliut ralalom.

YEHEZKIEL 40:44

Ungkuyon no pana nagibit boo raki' ra liliut ralalom. Giu' no mokoondo' ruo lamin, rondo' ra kiing ru kulobon garabang ralayo am tumingkuang ra rabugus, am rondo' poyo giu' ra kiing ru kulobon garabang rabugus am tumingkuang ra ralayo.

YEHEZKIEL 40:45

Nambala' io raki' ra lamin ondo' tumingkuang ra rabugus tinampos ra tayar ru imam-imam ondo' mangandoi giu' ra Baloi ru Tuhan,

YEHEZKIEL 40:46

am lamin ondo' tumingkuang ra ralayo tinampos ra tayar ru imam-imam ondo' mangandoi giu' ra altar. Ngaangai' ru imam no papag ri Jadok. Intor ilo ra bansa' ru Liwi am ilo ayuk ondo' iowon muma' ra Tuhan koson mangandoi Riso.

YEHEZKIEL 42:3

Rondo' kiing ru baloi maayo no tumingkuang ra intok ondo' naukab, ondo' pila' no 10 ngamito, giu' ra kiing ra Baloi ru Tuhan. Kiing ra bokon ru baloi maayo no tumingkuang ra intok makasulig batu giu' ra liliut ra liwar. Baloi maayo no talu ngatampas; moonong satampas binaal nakaralalom poyo intor ra tampas ra ragana' no.

YEHEZKIEL 44:1

Nagibit ungkuyon no raki' ra kulobon garabang ra liwar tampilon ra sirangon ra libung Baloi ru Tuhan. Kulobon garabang no naangaban.

KAINGKUALAN 27:9

“Baalo' noyo insor ra liputon Kim Kuno. Insor no am konoon maawar intor ra konoon linon molomos. Tampilon rabugus, gawar ru konoon no musiti' 44 ngamito,