YEHEZKIEL 40:12 - Tanou Moonsoi Timugon

¹² Giu' ra saang ru moonong lamin ru ulun magalung no mokoondo' ra timbok ondo' magana'; sawat no 0.5 ngamito, am kapal no 0.5 ngamito niayuk. Ngaangai' ru lamin no 3 ngamito gayo no.

YEHEZKIEL 40:12 ပူးပေါင်းရင်းမြစ်များ

YEHEZKIEL 40:11

Ungkuyon no pana nanuku' boo ra babayaan giu' ra kulobon garabang. Pila' ru babayaan no 6.5 ngamito, am pila' ru kulobon garabang no 5 ngamito.

YEHEZKIEL 40:13

Nanuku' boo ungkuyon no ra galur intor ra timbok ra talikuron ru rondo' lamin saboi ra timbok ra talikuron ru lamin ra sandaup no; galur no 12.5 ngamito.

YEHEZKIEL 40:16

Giu' ra timbok tampilon ra liwar am timbok pangkilolot ru ngaangai' lamin no mokoondo' ra gigimpalan ondo' boborok. Giu' ra timbok tampilon ra ralalom ondo' tumingkuang ra babayaan no mokoondo' inukir ra puun palma.

YEHEZKIEL 40:29

Lamin-lamin ru ulun magalung, tingganai ru lamin, am timbok-timbok tampilon ra ralalom, nantutuku' ra ondo' giu' ra kulobon garabang ra bokon. Lamin-lamin ra kulobon garabang ti mokoondo' niayuk ra gigimpalan. Gawar ru babayaan no 25 ngamito, am pila' no 12.5 ngamito.

YEHEZKIEL 40:38

Giu' ra liliut ra liwar mokoondo' rondo' lamin pinatambil giu' ra tampilon ralalom ru kulobon garabang ralayo. Lamin ra pinatambil no mokoondo' rondo' kulobon ondo' mongoi ra tampilon ra tingganai ondo' tumingkuang ra liliut ra liwar. Giu' no pambaguan ru ulun ra bibiag ondo' sinimbalui koson ra taak simbalui mapabansuk ra guang ru Tuhan.

YEHEZKIEL 40:7

Giu' ra talikuron ru kulobon garabang no mokoondo' rondo' babayaan am talu lamin ru ulun magalung ra moonong kiing nano. Moonong lamin binaal apat persegi, moonong kiing gayo nano 3 ngamito am timbok pangkilolot ru lamin 2.5 ngamito kapal nano. Kopongo lamin-lamin ru ulun magalung no, babayaan ra gawar nano 3 ngamito poyo am sumuku' ra intok ra tingganai ondo' tumingkuang ra Baloi ru Tuhan.