YEHEZKIEL 40:10 - Tanou Moonsoi Timugon

¹⁰ Gayo ru lamin-lamin ru ulun magalung giu' ra kiing ru babayaan no nogogondo' ngaangai', am kapal ru timbok ru lamin pana mogondo'.

YEHEZKIEL 40:10 ပူးပေါင်းရင်းမြစ်များ

YEHEZKIEL 40:11

Ungkuyon no pana nanuku' boo ra babayaan giu' ra kulobon garabang. Pila' ru babayaan no 6.5 ngamito, am pila' ru kulobon garabang no 5 ngamito.

YEHEZKIEL 40:21

Talu lamin ru ulun magalung ondo' intok no kiing ru babayaan ru kulobon garabang no, timbok pangkilolot ra lamin, am tingganai no, ngaangai' no nantutuku' ra ondo' giu' ra kulobon garabang sirangon. Titikop ru babayaan ra kulobon garabang no ra gawar no 25 ngamito am pila' no 12.5 ngamito.

YEHEZKIEL 40:29

Lamin-lamin ru ulun magalung, tingganai ru lamin, am timbok-timbok tampilon ra ralalom, nantutuku' ra ondo' giu' ra kulobon garabang ra bokon. Lamin-lamin ra kulobon garabang ti mokoondo' niayuk ra gigimpalan. Gawar ru babayaan no 25 ngamito, am pila' no 12.5 ngamito.

YEHEZKIEL 40:44

Ungkuyon no pana nagibit boo raki' ra liliut ralalom. Giu' no mokoondo' ruo lamin, rondo' ra kiing ru kulobon garabang ralayo am tumingkuang ra rabugus, am rondo' poyo giu' ra kiing ru kulobon garabang rabugus am tumingkuang ra ralayo.

YEHEZKIEL 40:7

Giu' ra talikuron ru kulobon garabang no mokoondo' rondo' babayaan am talu lamin ru ulun magalung ra moonong kiing nano. Moonong lamin binaal apat persegi, moonong kiing gayo nano 3 ngamito am timbok pangkilolot ru lamin 2.5 ngamito kapal nano. Kopongo lamin-lamin ru ulun magalung no, babayaan ra gawar nano 3 ngamito poyo am sumuku' ra intok ra tingganai ondo' tumingkuang ra Baloi ru Tuhan.