YEHEZKIEL 4:3 - Tanou Moonsoi Timugon

³ Alapo' rondo' paliuk basi' am potolorogo' paliuk no koson ra timbok ru lolot muno am bandar no. Tingkuang no ra tampilon ra bandar no ilain koson okou magawang raginio. Baal raginio masauk ra tatandu' ra tayar ru bansa' ru Israil.

YEHEZKIEL 4:3 ပူးပေါင်းရင်းမြစ်များ

JISAYA 20:3

Bulintok ra Asdod pinarinta, mindagu Tuhan, “Jisaya, ulipon Kuno minugar ra nagibabaang am kalo nangkasut buoi talu ngambilor. Tatandu' ragitio koson pulanu masauk giu' ra Misir am Itiopia.

JISAYA 22:7

Limayak-limayak Jiuda ondo' malabung no nososok ra kurita' kuda, am santimungan makakuda nakatampos ra saang ru kulobon-kulobon garabang ru Jirusalim.

JISAYA 8:18

Gitio aku no am anak-anak ondo' pinataak ru Tuhan no raki'. Tuhan Ondo' Maayo Kaga' Kuasa' ondo' namarinta ra Bulur Sion, nanusub ramon koson ra tatandu' ru ulun ru Israil.

JIRIMIA 39:1

Paat ra sila' koopor, bilor kasiam ra pamarintaan ru Raja' Jidikia giu' ra Jiuda, Raja' Nibukadnijar intor ra Babilonia minatong namulunsar ra Jirusalim nabaya' ra ngaangai' saujor nano.

JIRIMIA 39:2

Paat ra orou kasiam, sila' kaapat, bilor koopor am rondo' ra pamarintaan ru Raja' Jidikia, nakasugut pantula' nampalunsai ra timbok ru bandar. (

YEHEZKIEL 12:11

Balai' ilo ra binaal muno tatandu' ru baal ondo' masauk risilo. Masauk ilo ra ulun nagiru' am ulun rinakop.

YEHEZKIEL 12:6

Polosoo' noyo ilo magilong rirun mansaan ra kuntil muno am mingkual mongoi ra intok ondo' molondom ra bulos sinilian maa' raginio kalo makito mu ralan bayaan. Binaal muno masauk ra pangkaraan ra ulun ru Israil.”

YEHEZKIEL 5:2

Solobo' sampitalu ra abuk no giu' ra ralalom ru bandar mopongo' pagawangan maampus. Ondo' sampitalu poyo musiti' totokon mu ra ilang muno liliwa' lumiput ra bandar no. Sampitalu ondo' pupus musiti' pasiabon mu, am ilowon Ku ginio ra ilang Kuno.

DANIL 11:17

“Raja' ru Siria manusub ra ngaangai' pulalai ru saujor nano koson mamulunsar ra pantula'. Koson manguasa' ra pamarintaan ru pantula' nano, raja' no mambaal ra pangiawan ra pantula' nano am paganduon anak ruandu' nano ra pantula', kaa' inatangan raginio kalo masugut.

IMAMAT 2:5

Amon ru taak no ruti' ondo' inandab ra intok panguuban, musiti' baalon intor ra tapung moonsoi kaga' ondo' latakin ra umau jaitun kaa' kalo latakin ra ragi.

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

IBRANI 2:4

Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.