YEHEZKIEL 39:7 - Tanou Moonsoi Timugon

⁷ Tutunon Ku Israil, ulun Kuno, makaulig ra inggalan Kuno ondo' matulai, am kalo polosoon Ku jamalin inggalan Kuno. Bansa'-bansa' makapandai boo ra Aku noyo Tuhan, i Aki Kapuuno' ru Israil, i Aki Kapuuno' ondo' matulai.”

YEHEZKIEL 39:7 ပူးပေါင်းရင်းမြစ်များ

MAZMUR 103:1

Mazmur ri Daut. Omporo' noyo Tuhan, alii ra salibuor kuno! Omporo' noyo inggalan Nano ra matulai, alii ra guang kuno!

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 37:23

Osoi kia inulas am inasaban muno? Paliso muno lumimbau Raki', i Aki Kapuuno' ru Israil, i Aki Kapuuno' ondo' matulai.

JISAYA 43:14

I Aki Kapuuno' ru Israil, i Aki Kapuuno' ondo' matulai, Tuhan ondo' mamayag ramuyun mindagu, “Atarin Takamin ra saujor koson mamayag ramuyun intor ra Babil; Lunsayon Ku kulobon-kulobon garabang, am pagigindiyan ru namagun Babil makulau masauk ra tangi'.

JISAYA 43:3

Aku noyo Tuhan, i Aki Kapuuno' min, i Aki Kapuuno' ondo' matulai, ondo' namayag ramuyun. Pataakon Ku Misir koson mamuli' ramuyun; Pataakon Ku Itiopia am Siba koson mapalabus ramuyun.

JISAYA 45:11

Tuhan, i Aki Kapuuno' ru Israil, i Aki Kapuuno' ondo' matulai mindagu, “Pangkuot kano Raki' intor ra orou matong. Kaa' pai' pangkuot intor ra anak-anak Kuno, kapoam manusub Raki' mambaal ra kandoi.

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JISAYA 60:9

Ginio noyo kapal-kapal ondo' magibit muli' ulun ri Aki Kapuuno' intor ra pagun-pagun maalur. Pirok am mas inibit nilo koson mapatulai ra inggalan ru Tuhan, i Aki Kapuuno' min, i Aki Kapuuno' ru Israil, i Aki Kapuuno' ondo' matulai ondo' nangkinibit ra bansa'-bansa' mangurumat ra ulun Nano.

YEHEZKIEL 20:14

Kaa' kalo nambaal Aku raginio sabap ra baal raginio mangkinibit ra inggalan Kuno asabin ru gino ngai' bansa' ondo' nakakito Raki' naningganai ra ulun ru Israil miningkual intor ra Misir.

YEHEZKIEL 20:39

Indagu Tuhan Raja', “Raino alii ra ulun kau ngai' ru Israil, pambaal kano maya' ra kasagaan min! Samba kano ra sinungkalalaing min! Kaa' aniin Takamin ra pampakaraan ra kalupus raginio musiti' kau gumagaya' Raki', am kalo boo mampajamol ra inggalan Kuno ondo' matulai ra magibit ra taak ra sinungkalalaing min.

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

YEHEZKIEL 36:23

Paat ra pakitonon Ku katulayan ru inggalan Kuno ondo' maayo no ra bansa'-bansa' – inggalan ondo' jinamol min ra akau po ngai' – bagu no makapandai bansa'-bansa' ra Aku noyo Tuhan. Aku, Tuhan Raja' nakaindagu noyo. Pakayon Takamin koson mampakito ra katulayan Kuno risilo.

YEHEZKIEL 36:36

Bagu no makapandai bansa'-bansa' paginggaar ondo' lakat poyo maayag ra Aku, Tuhan nambaal saguli' ra bandar-bandar ondo' napuut am nangandoi saguli' ra tana' ondo' kolondo' tutuu'. Aku, Tuhan nambantu' mambaal raginio am maaru' baalon Ku ginio.”

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

YEHEZKIEL 38:23

Koson noyo raginio ra Aku mampakito ra kinaayo am kinatulai Kuno ra ngaangai' bansa'. Makapandai ilo boo ra Aku noyo Tuhan.”

YEHEZKIEL 39:22

Intor raginio boo Israil makapandai ra Aku noyo Tuhan, i Aki Kapuuno' nilo.

YEHEZKIEL 39:25

Indagu Tuhan Raja', “Kaa' raino makaasi' Aku ra papag ri Jakub, ulun ru Israil, am pasaukon ilo ra langkaya' saguli'. Alungin Ku inggalan Kuno ondo' matulai.

YEHEZKIEL 39:8

Indagu Tuhan Raja', “Orou ondo' sinabit Kuno maaru' sumaboi.

IMAMAT 18:21

Pai' pataako' sangulun intor ra anak muno alapon ra taak koson pataakon ra Dewa Molok, sabap ra baal raginio magasab ra inggalan ri Aki Kapuuno' muno, iono Tuhan.