YEHEZKIEL 39:6 - Tanou Moonsoi Timugon

⁶ Mampaang Aku ra apui giu' ra pagun Magog, am giu' ra gawar ru nagas intok ru ulun maayag ra kaansayan. Ngaangai' ulun makapandai boo ra Aku noyo Tuhan.

YEHEZKIEL 39:6 ပူးပေါင်းရင်းမြစ်များ

MAZMUR 72:10

Ngaangai' raja' ru Tarsis am ngaangai' pulu' mapataak riso ra tangguang; ngaangai' raja' ru pagun Syiba am Siba manaak niayuk riso ra tangguang.

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

YEHEZKIEL 30:16

Solobon Ku Misir, am Pilusium pana maimbolo'. Timbok ru bandar Tibi lunsayon am bandar no malumpa' ru liur.

YEHEZKIEL 30:8

Mopongo Aku monolob ra Misir am mamatoi ra ngaangai' ulun manungka' riso, bagu no makapandai ilo ra Aku noyo Tuhan.

YEHEZKIEL 30:9

“Paat ra orou raginio, paat ra Misir napuso, atarin Ku ulun ra kapal-kapal koson mampatigog ra Itiopia ondo' kalo manantam no saboi ilo malaa'. Orou raginio mamaar noyo!”

YEHEZKIEL 37:6

Aniin Takamin ra uat am kual, am niayuk taubin kau ra kungkung. Aniin Takamin ra painawo maa' raginio maayag kau saguli'. Bagu no makapandai kau ra Aku noyo Tuhan.’ ”

YEHEZKIEL 38:11

Namatas kono koson mamulunsar ra rondo' pagun ondo' kolondo' pinarinding ra batu, pagun ondo' mamagun nano maayag ra moonsoi am mamimio giu' ra bandar-bandar ondo' kolondo' timbok am kolondo' kuliamos mantula'.

YEHEZKIEL 38:13

Ulun ru Syiba, ulun ru Didan, am ulun mantalan intor ra bandar-bandar ru Sipanyol mangkuot rirun, ‘Timungon mu kia saujor muno am mamulunsar koson mampagaau am niayuk mantakou? Makaguang kou kia koson mampagaau ra ngaangai' pirok am mas, bibiag tinambiag am rapu' no?’ ”

YEHEZKIEL 38:2

“Okou ulun mapandai matoi, ulaso' i Gog, ulun manguasa' ra maatang kaga' ra pagun-pagun Misik am Tubal giu' ra tana' Magog. Ulaso' io

YEHEZKIEL 38:6

Ngaangai' tutumula' intor ra pagun-pagun Gomir am Bit-Togarma giu' ra ralayo pana nakaaya' saujor nano. Saujor-saujor intor ra masuang bansa' ra bokon minaya' niayuk.

YEHEZKIEL 39:5

Maratu' ilo am matoi giu' ra padang. Aku, Tuhan Raja' nakaindagu noyo.

AMOS 1:10

Ginio ra atarin Ku apui giu' ra timbok ru bandar Tirus am solobon kubu-kubu nano.”

AMOS 1:4

Ginio ra atarin Ku apui ra istana ondo' binaal ru Raja' Gajail am monolob ra kubu-kubu ru Raja' Bingadad.

AMOS 1:7

Ginio ra atarin Ku apui giu' ra timbok ru bandar Gaja am mangumpo ra ngaangai' kubu no.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

PINAINTALANG 20:8

Mongoi io pamparuung ra ngaangai' bansa' ra titikop ru tana' polos ra pagun Gog am Magog. Timungon ilo ru Tingganai ru riwato no mongoi pantula' am suang nilono mogondo' ra suang ru agis giu' ra kiing ru raat.

PINAINTALANG 20:9

Nakaralat ilo ra titikop ru tana' ti saboi liputin nilo kim ru ulun ri Aki Kapuuno', ioginio bandar ondo' tinagaman Nano. Kaa' timinuun apui intor ra suruga' mangumpo risilo.

TINGGANAI RU BANSA' 18:7

Kopongo raginio naparayus kalimo-limo ngaulun no ra pangkiralanan minongoi ra bandar Lais. Nakito nilo ra kaayagan ru ulun ra giu' no mamimio koson ra kaayagan ru ulun ru Sidon. Mamagun ru Lais maayag ra mamimio am moonsoi, am kalo nantutula' ra osoi pana; mokoondo' ilo ra ngaangai' pakuan. Minayan ilo maalur intor ra ulun ru Sidon am kalo makapabukatan ra bansa' ru ati pana.