YEHEZKIEL 39:25 - Tanou Moonsoi Timugon

²⁵ Indagu Tuhan Raja', “Kaa' raino makaasi' Aku ra papag ri Jakub, ulun ru Israil, am pasaukon ilo ra langkaya' saguli'. Alungin Ku inggalan Kuno ondo' matulai.

YEHEZKIEL 39:25 ပူးပေါင်းရင်းမြစ်များ

YEHEZKIEL 34:13

Paingkualon Ku ilo intor ra pagun-pagun ra bokon am manimung risilo, am magibit risilo muli' ra pagun galama' nilo. Ibiton Ku ilo saguli' ra gunung-gunung am limayak-limayak giu' ra Israil. Aniin Ku ilo ra akanon giu' ra padang-padang sakot ondo' malabung.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 33:7

Saukon Ku Jiuda am Israil ra langkaya', am manirong risilo saguli' koson ragili.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

JIRIMIA 30:18

Indagu Tuhan, “Pasagulion Ku ulun Kuno ra pagun nilo am makaasi' ra moonong sasambaloi; Jirusalim baalon poyo, am istana no punaan.

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JAKARIA 8:2

“Moogot Aku kaga' mangindangan ra Jirusalim sabap ra motogom Aku kaga' ra mamagun nano, am sabap ra togom Kuno, siminangit Aku ra pantula' ru bandar no.

JAKARIA 1:14

am malaikat no pana nanusub raki' mampatanou ra ragu ru Tuhan Ondo' Maayo Kaga' Kuasa', “Motogom Aku kaga' ra bandar Jirusalim am mampalio ra bandar Kuno ondo' matulai no.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

JOIL 2:18

Tuhan pana nanulu' ra Io mampalio ra tana' Nano; makaasi' Io ra ulun Nano.

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

MAZMUR 85:1

Ra tingganai ru santimungan maririmbai. Mazmur ru bansa' ri Kora.

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

YEHEZKIEL 36:10

Ruangin Ku suang min. Mayan kau giu' ra bandar-bandar am manambaloi saguli' ra ngaangai' ondo' nalunsai.

YEHEZKIEL 37:11

Indagu i Aki Kapuuno' raki', “Okou ulun mapandai matoi, ulun ru Israil nogondo' koson ra bungul-bungul no. Kon nilo ra mapua' ilo, ra kolondo' kalansanan am kolondo' orou tauli.

YEHEZKIEL 39:7

Tutunon Ku Israil, ulun Kuno, makaulig ra inggalan Kuno ondo' matulai, am kalo polosoon Ku jamalin inggalan Kuno. Bansa'-bansa' makapandai boo ra Aku noyo Tuhan, i Aki Kapuuno' ru Israil, i Aki Kapuuno' ondo' matulai.”

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’