YEHEZKIEL 39:21 - Tanou Moonsoi Timugon

²¹ Indagu Tuhan, “Mampakito Aku ra katulayan Kuno ra bansa'-bansa', am makakito ilo Raki' mamakai ra kuasa' Kuno koson manugut ra kapatasan Kuno ra matimpok.

YEHEZKIEL 39:21 ပူးပေါင်းရင်းမြစ်များ

YEHEZKIEL 38:23

Koson noyo raginio ra Aku mampakito ra kinaayo am kinatulai Kuno ra ngaangai' bansa'. Makapandai ilo boo ra Aku noyo Tuhan.”

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

YEHEZKIEL 36:23

Paat ra pakitonon Ku katulayan ru inggalan Kuno ondo' maayo no ra bansa'-bansa' – inggalan ondo' jinamol min ra akau po ngai' – bagu no makapandai bansa'-bansa' ra Aku noyo Tuhan. Aku, Tuhan Raja' nakaindagu noyo. Pakayon Takamin koson mampakito ra katulayan Kuno risilo.

JISAYA 37:20

Ginio ra, bayago' akai intor ra ulun ru Asyur, iou Tuhan i Aki Kapuuno' mai, maa' raginio ngaangai' bansa' ru tana' ti makapandai ra Okou noyo rondo'-rondo' ayuk Tuhan.”

KAINGKUALAN 9:16

Kaa' polosoon Tokou maayag koson mapakito rirun ra kuasa' Kuno, maa' raginio inggalan Kuno mauligan toojo ra titikop ru tana' ti.

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

YEHEZKIEL 39:13

Moonong ulun giu' ra pagun no maya' mangindangan mompolobong ra baangkai, am aniin ilo ra urumat paat ra orou ru kamanangan Kuno. Aku, Tuhan Raja' nakaindagu noyo.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

1 SAMUIL 6:9

Ilain min ati angayan ru sapi' no; amon ru Kaban Nabantuan no ibiton mongoi ra pagun toojo nano, giu' ra bandar Bit-Simis, baal ragitio makaarati' ra i Aki Kapuuno' ru ulun ru Israil naparatong noyo ra karaat makalalaa' kaga' ritakau. Kaa' amon ru padati no kalo mongoi ra giu' no, makapandai takau ra baal makalalaa' raginio sala' ka intor ri Aki Kapuuno' ru Israil, kaa' nakainamot ayuk.”

1 SAMUIL 5:11

Ginio ra nampiau ilo ra ngaangai' raja' ru Palistin tumimung, am indagu, “Atarin min Kaban Nabantuan ri Aki Kapuuno' ru Israil no ra intok toojo nali, maa' raginio kalo makapamatoi ritakau am sasambaloi takau.” Ngaangai' mamagun ru bandar no maimamang sabap ra i Aki Kapuuno' nangukum risilo ra maagat kaga'.

1 SAMUIL 5:7

Paat ilo nakakito ra atan ondo' tatanga' masauk no, indagu ilo, “I Aki Kapuuno' ru Israil no nangukum ritakau am i Dagon dewa takano. Pai' takau polosoo' Kaban Nabantuan no soroi poyo ragiti.”

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 8:19

Indagu ulun mapandai kaga' ra sihir no ra raja', “Binaal gitio ri Aki Kapuuno'!” Kaa' lakat poyo bambalingatan raja' am marara' mangining ra ragu ri Musa am i Arun, koson ra rinagu ru Tuhan.

MAZMUR 32:4

Orou rondom inukum Mu aku, iou Tuhan; kolondo' boo lulu' kuno koson ra bolobou napua' ra lasu' ru mato ru orou.

MIKA 2:9

Pinagiru' min ngaangai' ruandu' ru ulun Kuno intor ra baloi ondo' kasagaan nilo; ginaau min barakat Kuno ra sabuoi-buoi no intor ra lalaing-lalaing nilo.

MAZMUR 94:10

Sinangitan No ngaangai' bansa' – musiti' ukumin No ilo. Io no mangingila' ra ngaangai' ulun – musiti' masuang napandayan Nano.

MALIAKI 1:5

Bansa' ru Israil makakito galama' ra kasaukan raginio, am mindagu, “Totopot Tuhan makakuasa'; kuasa' Nano saboi giu' ra liwar ru pagun Israil!”