YEHEZKIEL 39:18 - Tanou Moonsoi Timugon

¹⁸ Bibiag no musiti' mangakan ra baangkai ru saujor-saujor am manginum ra raraa' ru ulun manguasa' ra tana' ti, ondo' potoyon koson ra domba gawayan kapoam anak domba kapoam kambing gawayan kapoam sapi' gawayan ondo' molomok.

YEHEZKIEL 39:18 ပူးပေါင်းရင်းမြစ်များ

MAZMUR 22:12

Pai' noyo inggalur intor raki'. Kapaganan mamaar noyo, am kolondo' sangulun pana mangindangan.

JIRIMIA 51:40

Ibiton Ku ilo maa' raginio simbaluyon koson ra anak domba, domba gawayan am kambing. Aku, Tuhan, nakaindagu noyo.”

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

YEHEZKIEL 29:5

Kopongo raginio papatiron Tokou mabaya' ra ngaangai' papait no ra tana' kaagisan. Inan muno makabanta' ra tana' am kalo lobongon. Polosoon Ku inan muno akanon ru susuit am bibiag.

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

PINAINTALANG 19:21

Saujor nilono napatoi ra ilang ondo' miningkual intor ra kabang ru nangura' ra kuda mapulak no. Ngaangai' kanui pana minatong boo am nangakan ra baangkai ru namagatoi suku' naasug.

YEHEZKIEL 34:17

“Rongogo', akau domba Kuno. Aku, Tuhan Raja', nambala' ramuyun ra mangakim Aku ramuyun sigagama', am mampatuliar ra moonsoi intor ra malaat, domba intor ra kambing.

YEHEZKIEL 34:8

Sabap ra Aku, i Aki Kapuuno' ondo' maayag, rongogo' ragu Kuno. Domba-domba Kuno sinaam am pinatoi, am niayuk inakan ru bibiag masigo sabap ra kolondo' magagalung ondo' magalung ra domba-domba no. Akau magagalung Ku kalo mirot maguyum ra domba-domba no. Alungin min kaatangan galama', sala' ka kaatangan ru domba-domba Kuno.

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JISAYA 34:7

Ulun-ulun matoi koson ra sapi' masigo am sapi' mamulok. Pagun nilono malimpot ra raraa' am mototop ra lomok.

MAZMUR 68:30

Ngaangai' raja' mapataak Rirun ra tangguang giu' ra Baloi Muno ra Jirusalim.

SAGULION 32:14

Sapi' am kambing nilo nanangampos ra masuang gatas; mokoondo' ilo ra domba, kambing am sapi' ondo' moonsoi kaga', am niayuk gandum, am niayuk wain ondo' moonsoi kaga'.

JIRIMIA 46:5

Pangkuot Tuhan, “Kaa' atan kia ondo' nakito Kutu? Liminugut ilo ra nalaa'. Saujor nilo linamba' paluguto'; nagiru' ilo ra maribok kaga', kalo baani ilo mangkaili sabap ra nalaa' kaga'.

YEHEZKIEL 39:19

Paat ra Aku mamatoi ra ngaangai' ulun no koson ra taak simbalui, susuit am bibiag musiti' mangakan ra ngaangai' lomok saboi maasug, am manginum ra raraa' saboi magauk.

JISAYA 34:6

Ilang Nano malimpot ra raraa' am lomok, koson ra raraa' am lomok ru domba am kambing ondo' sinimbalui. Tuhan mangatang ra taak simbalui no giu' ra bandar Bojra, am mangatang ra panimbaluyan masuang giu' ra pagun ru Idom.