YEHEZKIEL 39:17 - Tanou Moonsoi Timugon

¹⁷ Indagu Tuhan Raja' raki', “Okou ulun mapandai matoi, piawo' ngaangai' susuit am bibiag intor ra ngaangai' intok koson mangakan ra kual sinimbalui ondo' pinongo Kuno. Mambaal Aku ra bunsag maayo giu' ra kagunungan ru Israil. Giu' no susuit am bibiag makaakan ra kual am manginum ra raraa'.

YEHEZKIEL 39:17 ပူးပေါင်းရင်းမြစ်များ

JIPANYA 1:7

Orou ru Tuhan mamaar noyo. Paat ra orou raginio mangakim Io ra ulun; ginio ra pongkoror no giu' ra saang Nano. Tatanga' Tuhan tumampos koson manimbalui ra ulun Nano koson ra bibiag simbaluyon koson ra taak simbalui, am mangkimait Io ra pantula' koson mantakou ra Jiuda.

YEHEZKIEL 39:4

I Gog am saujor nano, am niayuk saujor paguum nano matoi giu' ra kagunungan ru Israil. Polosoon Ku baangkai nilo akanon ru susuit am bibiag masigo.

JIRIMIA 12:9

Ulun pinili' Kuno koson ra sanginan susuit ondo' sinumbit ru sanginan kanui intor ra ngaangai' intok. Piawo' bibiag masigo koson maya' manaliir risilo.

JISAYA 34:6

Ilang Nano malimpot ra raraa' am lomok, koson ra raraa' am lomok ru domba am kambing ondo' sinimbalui. Tuhan mangatang ra taak simbalui no giu' ra bandar Bojra, am mangatang ra panimbaluyan masuang giu' ra pagun ru Idom.

JISAYA 56:9

Nanusub Tuhan ra bansa'-bansa' suai matong koson ra bibiag masigo ondo' mansaam ra ulun Nano.

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

JISAYA 18:6

Baangkai ru saujor nilono sakabantai' akanon ru susuit am tambiag masigo. Bulintok malasu' baangkai-baangkai no akanon ru susuit, am bulintok masimu' akanon ru tambiag masangit.”

1 SAMUIL 17:46

Orou raiti' niayuk Tuhan no mapataak rirun ra ralalom ru kalindu' kutu. Kalaan tokou am manginggulu' ra ulu muno. Pataakin ku inan ru saujor Palistin ra susuit am bibiag maa' raginio akanon. Kon raginio noyo ra titikop ru tana' ti makapandai ra akai, bansa' ru Israil ti mokoondo' ri Aki Kapuuno'.

1 SAMUIL 16:3

Piawo' i Isai mongoi ra upacara mapataak ra taak simbalui no. Balain Tokou ra atan ondo' musiti' baalon muno. Ulun ondo' tuluon Kuno rirun musiti' pilion mu masauk ra raja'.”

KASAUKAN 31:54

Io pana nanaak ri Aki Kapuuno' ra taak simbalui giu' ra gunung no. Piniau no niayuk ulun-ulun nano magakan mababaya' riso am pombolong ra gunung no.

MATIUS 24:28

“Ati mokoondo' ra baangkai, ginio timungan ru susuit mangakan ra baangkai no.”

JISAYA 34:7

Ulun-ulun matoi koson ra sapi' masigo am sapi' mamulok. Pagun nilono malimpot ra raraa' am mototop ra lomok.

JIRIMIA 25:33

Paat orou raginio baangkai ru ulun ondo' pusoon ru Tuhan kumalayatan ra titikop ru tana' ti. Kalo tangiin ilo, kalo kayangon koson ra lobongon, kaa' polosoon ayuk ra tana' koson ra tuntur ru pampalabung ra tana'.

YEHEZKIEL 39:16

(Kalo maalur intor ra giu' no mokoondo' rondo' bandar ondo' makainggalan ondo' nogondo' ra inggalan ru saujor no.) Koon raginio noyo pagun no kapasawon intor ra majamol.”

JISAYA 29:2

am porotongon ri Aki Kapuuno' karaat ra bandar ondo' sabiton ra Altar ri Aki Kapuuno'. Bolos pantangian am manulaboi maining, am titikop ru bandar no masauk koson ra altar ondo' natuba' ru raraa'.

YEHEZKIEL 29:5

Kopongo raginio papatiron Tokou mabaya' ra ngaangai' papait no ra tana' kaagisan. Inan muno makabanta' ra tana' am kalo lobongon. Polosoon Ku inan muno akanon ru susuit am bibiag.